UYONO 19
Iseri Jehova Yẹ Ilele Kristi Urhomẹmro?
Ame ri rhiẹ Iseri Jehova i vwo imwẹro na taghene ame yẹ Ilele Kristi urhomẹmro. Mesoriẹ? Roro kpahen oborẹ ame i bọn imwẹro ame kpahen, odẹ rọ lẹrherẹ ame vẹnẹ, ọrhẹ ẹguọlọ ame i vwori kpahen owuowọnwan.
1. Me yẹ Iseri Jehova i bọn imwẹro aye kpahen?
Jesu ọrhọ ta: “Ẹmro [Osolobrugwẹ] urhomẹmro.” (John 17:17) Jerẹ i Jesu, Iseri Jehova a bọn imwẹro aye kpahen Ẹmro Osolobrugwẹ ọke ephian. Jerẹ udje, yono kpahen ikuegbe ame inyenana. Uvuẹn ehion ẹgbukpe 1900, ibiẹ otu emọ uyono i Baibol na, ni jomarhotọre yono i Baibol na. Aye ni bọn imwẹro aye kpahen oborẹ ọ tare, dedevwo imwẹro enana i vẹnẹ iyono ishọshi. Omarana, aye na ta rẹn awọrọ kpahen oborẹ aye i yonorin na. a
2. Mesoriẹ ame e se oma ame Iseri Jehova?
Jehova o seri ame ra ha ẹga riẹn iseri enẹyen, fọkime ame a ta urhomẹmro kpahiẹn. (Hebrews 11:4–12:1) Jerẹ udje, ọke ahwanren, Osolobrugwẹ nọ ta rẹn ihworho yi: “Are iseri mẹ.” (Se Isaiah 43:10.) E se i Jesu, “Oseri rọ Fuevwan na.” (Revelation 1:5) Omarana, ẹgbukpe 1931, ame ni sanọ odẹ ọnana, Iseri Jehova. Oma ọ merhen ame rẹ ame e vwo odẹ ọnana.
3. Marhẹ Iseri Jehova e ru hẹrokele ẹguọlọ i Jesu?
Jesu o vwo ẹguọlọ kpahen idibo yi omamọ, aye ni họhọ ekrun ọnẹyen. (Se Mark 3:35.) Omaran ọ ji havwọ, Iseri Jehova e nyerẹn kugbe jerẹ ekrun owu uvuẹn akpọ na ephian. Ọnana yẹ ọsoriẹ ame e se oma ame imizu. (Philemon 1, 2) Ame a ji huvwele urhi ọnana: “Vwo ẹguọlọ kpahen okugbe imizu ephian.” (1 Peter 2:17) Iseri Jehova e dje ẹguọlọ ọnana phia izede buebun, jerẹ udje, aye a ha userhumu rẹn owuowọnwan ọke ebẹnbẹn uvuẹn ekete sansan uvuẹn akpọ na.
YONO KODO RHỌ
Yono kpahen ikuegbe Iseri Jehova, ne wu mẹrẹn ekwakwa erọrọ ri djerie phia taghene ame Ilele Kristi urhomẹmro.
Ilele Kristi urhomẹmro a bọn imwẹro aye kpahen i Baibol na, jeghwai ta rẹn awọrọ kpahiẹn
4. Ame a bọn imwẹro ame kpahen i Baibol na
Jehova ọ tare taghene urhomẹmro rọ ha uvuẹn i Baibol na ono fiotọre rhọ. Se Daniel 12:4 ọrhẹ ekete ra djokarhọ, orho ru, are i gba kpahenrhọ onọ ọnana:
-
Me yo no “gbephe” uvwre ihworho Osolobrugwẹ ọke aye e yono i Baibol na ọke ephian?
Yono oborẹ ibiẹ otu emọ uyono i Baibol na ọrhẹ Charles Russell, i ru yono Ẹmro Osolobrugwẹ. Kporo IVIDIO na, orho ru, are i gba kpahenrhọ onọ ọnana.
-
Uvuẹn ividio na, marhẹ i Charles Russell ọrhẹ eri kwomakugbe yi, i yono i Baibol na lele?
Wu rheri?
Ọkezẹko, ame e wene imwẹro ame ezẹko. Mesoriẹ? Jerẹ oborẹ ọren rọ va sa o dje oborẹ okegbe ọ havwọ bibiesuọn, Osolobrugwẹ o dje Ẹmro ọnẹyen phia bibiesuọn. (Se Proverbs 4:18.) Dedevwo i Baibol na o vwo wene-e, ọrẹn, ame e wene imwẹro ame, ame i rhe vwẹruọ i Baibol na rhọ.
5. Ame e ruẹ lele odẹ ame
Mesoriẹ ame e vwo odẹ na, Iseri Jehova? Kporo IVIDIO na, orho ru, are i gba kpahenrhọ onọ ọnana.
-
Mesoriẹ odẹ na Iseri Jehova o serhọ?
Mesoriẹ Osolobrugwẹ ọ djẹ ihworho ni rhiẹ Iseri enẹyen? Fọkime, aye ine se oseri ha riẹn taghene ọye yẹ Osolobrugwẹ urhomẹmro na, nime a mọrenfian buebun kpahiẹn ne. Roro kpahen efian eva usuẹn erana.
Ẹga ezẹko e yono ihworho aye taghene Osolobrugwẹ ọ guọlọre na ga ye nyoma ema. Ọrẹn, se Leviticus 26:1, orho ru, are i gba kpahenrhọ enọ enana:
-
Me yẹ urhomẹmro na? Ukẹro ọgo yẹ Osolobrugwẹ ọ ha ni ema?
Ilori ẹga ezẹko e yono taghene i Jesu yẹ Osolobrugwẹ. Ọrẹn, se John 20:17, orho ru, are i gba kpahenrhọ enọ enana:
-
Me yẹ urhomẹmro na? Osolobrugwẹ ọrhẹ i Jesu ohworho owu?
-
Marhẹ oma o ruo ru we rhe taghene i Jehova o dje Iseri enẹyen nẹ aye i ghwoghwo urhomẹmro kpahiẹn ọrhẹ Ọmọyen?
6. Ame i vwo ẹguọlọ kpahen owuowọnwan
Baibol na o dje Ilele Kristi jerẹ eghọn ri ha uvuẹn ugboma onyakpọ. Se 1 Corinthians 12:25, 26, orho ru, are i gba kpahenrhọ enọ enana:
-
Me yo fori nẹ Ilele Kristi i ru aye i rha mẹrẹn Ilele Kristi erọrọ ra rioja?
-
Me wu djokarhọ kpahen ẹguọlọ Iseri Jehova i vwori uvwre omoma aye?
Ọke Iseri Jehova a rioja uvuẹn ekete ezẹko uvuẹn akpọ na, Iseri Jehova ri ha uvuẹn akpọ na ephian na ha userhumu rẹn aye ogege. Ne wu mẹrẹn udje owu, kporo IVIDIO na. Orho ru, are i gba kpahenrhọ onọ ọnana.
-
Marhẹ owian userhumu rẹ Iseri Jehova e vwobọrhọ o ru dje ẹguọlọ aye phia?
Ilele Kristi urhomẹmro e dje ẹguọlọ rẹn ihworho ri guọlọ userhumu
OBORẸ IHWORHO EZẸKO A TA: “Iseri Jehova ghwai ẹga ọkpokpọ.”
-
Ọkiọgo yi Jehova o se era ha ẹga riẹn Iseri enẹyen?
ME WU YONORIN?
Iseri Jehova yẹ Ilele Kristi urhomẹmro. Ame ekrun owu re rhirhiẹ ekete sansan uvuẹn akpọ na, ame i bọn imwẹro ame kpahen i Baibol na, ji ghwoghwo urhomẹmro na kpahen i Jehova.
Ẹzẹkoko
-
Mesoriẹ ame e vwo odẹ na Iseri Jehova?
-
Marhẹ ame e nyerẹn rhẹ owuowọnwan lele?
-
Wu rorori taghene Iseri Jehova yẹ Ilele Kristi urhomẹmro?
GUỌLỌ IYẸNRẸN ERỌRỌ
Yono riaro kpahen ikuegbe ame.
Iseri Jehova—Esegburhomẹmro rọ Wian, Obọrẹ Ukaro: Aye i Tiomanẹ Okuku (1:00:53)
Ni udje owu ro dje oborẹ Iseri Jehova i ru ghwolo iyono efian phia.
Mẹrẹn ẹkpahenrhọ ezẹko rẹn enọ wu vwori kpahen Iseri Jehova.
“Enọ Ra Mai Nọ Kpahen Iseri Jehova” (aruọbe rọ ha uvuẹn itanẹti)
Stephen o vwo utuoma kpahen ihworho ri nẹ ekete erọrọ rhe omamọ te erhirhiẹ rọ kparehaso aye. Yono oborẹ ọ mẹrẹnren uvwre Iseri Jehova rọ lẹrheriẹ wene.
“Akpenyerẹn Mẹ No Biomẹrhọ Biomẹrhọ” (Oghwa Odẹrẹ, July 1, 2015)
a Nẹ ẹgbukpe 1879 rhe, yẹ Iseri Jehova e fomu Oghwa Odẹrẹ na rẹ aye a ha dje iyono i Baibol fiotọre.
