UYONO 24

Ayọmo yẹ Emakashe, me yẹ Owian Aye?

KPORIE

Jehova ọ guọlọre ne yono kpahen ekruien obẹ odjuwu. Emakashe i ha usuẹn ekrun ọnẹyen, e se aye “emọ Osolobrugwẹ.” (Job 38:7) Me yi Baibol na ọ tare kpahen emakashe? Marhẹ omẹgbanhon aye o ru hobọte ihworho? Emakashe ephian yi ha usuẹn ekrun Osolobrugwẹ?

1. Ayọmo yẹ emakashe na?

Jehova ọ ma emakashe bọmọke ọ ki ma otọrakpọ na. Aye i họhọ Osolobrugwẹ fọkime e vwe rhiẹromẹrẹn aye-e, aye e rhirhiẹ obẹ odjuwu. (Hebrews 1:14) Iduduru emakashe yi havwiẹ, habaye, aye ephian i vẹnẹren ọrẹ uruemru. (Revelation 5:11) Aye e ‘ruẹ oborẹ i [Jehova] ọ tare, aye a jeghwai huvwele ọnẹyen.’ (Psalm 103:20) Ọke ahwanren, o vwo ọke i Jehova o dje emakashe nẹ aye i ha iyẹnrẹn vwe ihworho yi, ha userhumu rẹn aye, jeghwai simi aye. Inyenana, emakashe e ji sun Ilele Kristi vwe ihworho ri guọlọ yono kpahen Osolobrugwẹ.

2. Ọrọmo yẹ Echu ọrhẹ ikpodje enẹyen?

Emakashe ezẹko a sẹrorẹ atamwu aye kpahen i Jehova-a. Ọmakashe ọrukaro rọ kparehasuiẹ yẹ, “Dẹbolo ọrhẹ Echu na, ro sun ọsoso akpọ na beghe.” (Revelation 12:9) Echu ọ guọlọ sun awọrọ, omarana, nọ phiẹ ituakpọ erukaro na rhọ, ọke oru, emakashe erọrọ ni kwomakugbe yi. E se emakashe erana ikpodje. Jehova no le rẹ aye nẹ odjuwu rhiẹ otọrakpọ na, ọnọ ghwọghọ aye.—Se Revelation 12:9, 12.

3. Marhẹ Echu ọrhẹ ikpodje na e ru damoma rẹ aye ine sun ọwan beghe?

Echu ọrhẹ ikpodje na e sun ihworho buebun beghe nyoma irueruo eda, ro rhiẹ irueruo obiobiomu rẹ ihworho a damoma lele eri hwuru tẹmro. Jerẹ udje, ihworho buebun e ruẹ ọnana nyoma aye e bru ihworho ra ha ikereti bepha, era mẹraro kpahen obaro na, ọrhẹ ere kporẹbo. Ihworho ezẹko e ye simi omayen nyoma irueruo eda. A ji phiẹ ihworho buebun rhọ taghene aye ina sabu lele ihworho ri hwuru tẹmro. Ọrẹn, Jehova ọ ha orhetio rẹn ọwan: “Are i vwa vware ikpodje-e, yanghene era ta oborẹ obaro akpọ ono rhirhiẹ-e.” (Leviticus 19:31) Ọ yẹrẹ ọwan orhetio ọnana, nọ sẹrorẹ ọwan nẹ abọ Echu ọrhẹ ikpodje na. Aye evwreghrẹn Osolobrugwẹ ra guọlọ kon ọwan.

YONO KODO RHỌ

Yono kpahen ekwakwa irhorhomu rẹ emakashe e ruẹ, imwofẹn ri ha uvuẹn irueruo eda, ọrhẹ oborẹ ene ru sẹrorẹ oma ọwan nẹ abọ Echu ọrhẹ ikpodje na.

4. Emakashe a ha userhumu rẹn ihworho yono kpahen i Jehova

Emakashe Osolobrugwẹ i vwe ghwoghwo rẹn ihworho-o. Ukpomaran, aye e sun ihworho Osolobrugwẹ vwe eri guọlọ yono kpahiẹn. Se Revelation 14:6, 7, orho ru, are i gba kpahenrhọ enọ enana:

Mesoriẹ a guọlọ userhumu emakashe na sabu ghwoghwo?
Oma ọ merhuọn ru we rhe taghene emakashe, ina sabu suon vwe ihworho ri guọlọ yono kpahen Osolobrugwẹ? Mesoriẹ?

5. Tiẹn irueruo eda

Echu ọrhẹ ikpodje yi, evwreghrẹn i Jehova. Aye ji evwreghrẹn ọwan. Se Luke 9:38-42, orho ru, are i gba kpahenrhọ onọ ọnana:

Me yẹ ikpodje e ruẹ ihworho?

Ọwan a guọlọ nẹ ikpodje i sun ọwa-an. Se Deuteronomy 18:10-12, orho ru, are i gba kpahenrhọ enọ enana:

Izede ego yẹ ikpodje na e ru damoma rẹ aye ina phiẹ ọwan rhọ jeghwai lele ọwan tẹmro? Irueruo ego yi mai titi uvuẹn ekete we rhirhiẹ?
O dje ọhọ phia ru we rhe taghene i Jehova ọ guọlọ ne vwobọrhọ irueruo eda-a? Mesoriẹ?

Kporo IVIDIO na, orho ru, are i gba kpahenrhọ enọ enana.

IVIDIO: “Kparehaso i Dẹbolo” (5:02)

Wu rorori taghene imwofẹn ọ ha uvuẹn egbele ri Palesa ọ gba mwu obọ ọmọyen ọgbọtọ? Mesoriẹ?
Me yi Palesa ono ruo nọ sabu sẹrorẹ omayen nẹ abọ ikpodje?

Ọke ephian yẹ Ilele Kristi urhomẹmro a kparahasuẹ ikpodje. Se Acts 19:19 ọrhẹ 1 Corinthians 10:21, orho ru, are i gba kpahenrhọ onọ ọnana:

Mesoriẹ orhiẹ oborẹ o fori ra na ghwọghọ i kemru kemru ro surhobọmwu irueruo eda?

6. Fikparobọ uvuẹn owọnren haso Echu ọrhẹ ikpodje yi

Echu yo sun ikpodje na. Ọrẹn, Michael yẹ olotu ro sun emakashe ri fuevwan na, ọnana odẹ ọrọrọ ra ha se i Jesu. Marhẹ i Michael o vwo omẹgbanhon te? Se Revelation 12:7-9, orho ru, are i gba kpahenrhọ enọ enana:

Ọrọmo yọ mai vwo omẹgbanhon? Michael ọrhẹ emakashe enẹyen gbinẹ Echu ọrhẹ ikpodje yi?
Wu rorori taghene o fori nẹ idibo i Jesu i zofẹn Echu ọrhẹ ikpodje enẹyen?

Wu ne fikparobọ uvuẹn owọnren haso Echu ọrhẹ ikpodje enẹyen. Se James 4:7, orho ru, are i gba kpahenrhọ onọ ọnana: