Igbehian ọwan ri kpẹnkpẹnren, e toroba omamerhomẹ ọwan, aye a ji bọn ọwan gbanhan uvuẹn ọke ebẹnbẹn. Ọrẹn, Baibol na ọ yẹrẹ ọwan orhetio taghene orhiẹ ihworho ephian yẹ omamọ igbehia-an. Omarana, marhẹ ene ru sabu djẹ omamọ igbehian? Roro kpahen enọ enana.

1. Marhẹ igbehian wu djẹre ine ru hobọto?

Ọwan a hẹrokele ihworho rẹ ọwan e lele ghwọghọ ọke kugbe. Aye ina sabu rhiẹ omamọ ihworho yanghene erharhere, ọnana urhomẹmro ọrhọ tobọ rhianẹ e lele aye ruẹ kugbe uvuẹn otọre yanghene uvuẹn itanẹti. Jerẹ oborẹ i Baibol na ọ tare, “ohworho rọ nyalele ọvwẹghwanren ọnọ ghwanren, ọrẹn, ohworho ro lele akpa ruẹ kugbe [nọyẹ eri vwe vwo ẹguọlọ kpahen i Jehova] ọnọ rioja.” (Proverbs 13:20) Igbehian ọwan ra ga i Jehova, ri ji vwo ẹguọlọ kpahiẹn, ina ha userhumu rẹn ọwan daji kẹriẹ, ji brorhiẹn ri serhọ. Ọrẹn, arha ha ihworho otafe ukoko na mwu igbehian, aye ina sabu lẹrhẹ ọwan beghe nẹ obọrẹ i Jehova. Ọnana yẹ ọsoriẹ i Baibol na o jirie rẹn ọwan na ha ẹghwanren djẹ igbehian ọwan! Ọwan i rha ha ihworho ri vwo ẹguọlọ kpahen Osolobrugwẹ ruẹ igbehian, ọwan rhẹ aye ya mẹrẹn erere. Ọwan na sabu “ha urhebro rẹn owuowọnwan jeghwai bọn owuowọnwan gbanhan” ọke ephian.—1 Thessalonians 5:11.

2. Marhẹ oma ono ru i Jehova kpahen igbehian wu djẹre?

Jehova ọ jomarhotọre djẹ igbehian yen. “O vwo omamọ onyerẹnkugbe rhẹ ohworho ọsoso.” (Proverbs 3:32) Marhẹ oma ono ru i Jehova, arha djẹ igbehian ri vwe vwo ẹguọlọ kpahiẹn? Oma ọ merhiẹn kakaka-a! (Se James 4:4.) Obọreva ye, oma ọnọ merhen i Jehova, ji ha ọwan ru igbehian yen, orhianẹ a tiẹn orharhere okugbe, ji tikẹriẹ rhẹ ihworho ri vwo ẹguọlọ kpahiẹn.—Psalm 15:1-4.

 YONO KODO RHỌ

4. Ihworho ri vẹnerẹ ọwan ina sabu rhiẹ omamọ igbehian ọwan

Baibol na o dje kpahen ehworhare awanva, David ọrhẹ i Jonathan, uvuẹn Israel ọke ahwanren. Jonathan o djerhe i David seri, ọye ji ọmọ orodje, udabọ enana, onyerẹnkugbe aye ọ gbanhonron. Se 1 Samuel 18:1, orho ru, are i gba kpahenrhọ onọ ọnana:

• Mesoriẹ o vwo fo ne mwu igbehian rhẹ otuẹdẹre ọwan yanghene erẹ ọwan rhẹ aye i gba ha uvuẹn erhirhiẹ owu ọvo?

Se Romans 1:11, 12, orho ru, are i gba kpahenrhọ onọ ọnana:

• Marhẹ igbehian ri vwo ẹguọlọ kpahen i Jehova ine ru yẹ owuowọnwan uduẹharhaghwẹ?

Uvuẹn ividio ọnana, ni oborẹ idama owu o ru mwu igbehian uvuẹn ekete ro vwo fiẹrorhọ. Kporo IVIDIO na, orho ru, are i gba kpahenrhọ enọ enana.

• Uvuẹn ividio na, mesoriẹ eri vwiẹ Akil e brudu kpahen igbehian yen obẹ isukuru?

• Ekwakwa ego yi lẹrhẹ onyerẹnkugbe erana je yi ọkiukaro?

• Marhẹ o ru sabu fi erhirhiẹ kologho rọ havwọ kparobọ?

 5. Oborẹ ene ru sabu vwo omamọ igbehian

 ME WU YONORIN?

Arha ha ẹghwanren djẹ igbehian ọwan, na lẹrhẹ oma merhen i Jehova, jeghwai mẹrẹn erere.

Ẹzẹkoko

• Mesoriẹ i Jehova ọ damerhọ aruẹ igbehian re vwori?

• Aruẹ igbehian ego ya na kẹnoma riẹn?

• Marhẹ wu ne ru sabu bọn onyerẹnkugbe ọgbogbanhon rhẹ omamọ ihworho?