Ọwan i rha ha uvwre imizu ọwan uvuẹn ukoko na, oma o ruẹ ọwan jerẹ oborẹ oma o ruẹ Orodje David, rọ tare: “Orhomurun, ọ jeghwai merhoma omamọ, rẹ imizu ine rhirhiẹ ye ọrẹ okugbe!” (Psalm 133:1) Okugbe ọwan ọvwọ ghwai homaphia-a. Ọwan ephian ine vi toroba ye.

1. Me ya djokarhọ uvwre ihworho Osolobrugwẹ?

Wu rhe riẹ uyono ukoko uvuẹn ẹkwotọre ọrọrọ, ọkezẹko wu vwẹruọ edjadjẹ aye-e, ọrẹn, wu na riamerhen ẹguọlọ ọrhẹ omefuon uvwre imizu na. Mesoriẹ? Fọkime, ọwan e yono i Baibol na ọrhẹ ọbe owu uvuẹn ekete ephian. Ọwan a jeghwai damoma dje ẹguọlọ rẹn owuowọnwan. O toro ekete re rhirhiẹ-ẹ, ọwan e “se odẹ i Jehova, jeghwai ga ye ọrẹ okugbe.”—Zephaniah 3:9, ekete ra djokarhọ.

2. Marhẹ wu ne ru sabu toroba okugbe?

“Vwo ẹguọlọ kpahen owuowọnwan nẹ ẹhẹn rhe.” (1 Peter 1:22) Marhẹ wu ne ru ha urhebro ọnana ruiruo? Ukperẹ wu na tẹnrovi orusọ awọrọ, tẹnrovi omamọ iruemru aye. Ukperẹ wu ne kwomakugbe imizu ri vwo ẹguọlọ kpahen oborẹ wu vwo ẹguọlọ kpahen ọvo, damoma rhe ruẹ kugbe rhẹ imizu ri nẹ ekete sansan rhe. Ọwan ina ji sabu wian gbanhon na kẹnoma rẹn uruemru re ni ọwan ruẹ.—Se 1 Peter 2:17. a

3. Me wu na sabu ru orhianẹ wu vwo ẹghwọ rhẹ omizu ọrọrọ?

Ọwan i vwo okugbe, ọrẹn, ọwan jẹ ihworho ri vwa gba. Omarana, ọkezẹko, e ruẹ ereva ọwan sọ. Ọnana yọ soriẹ i Baibol na ọ ta rẹn ọwan taghene ọwan i “rha . . . harhomu owuowọnwan,” nọ ji habaye taghene: “Jerẹ oborẹ i Jehova ọ harhomu are nẹ ẹhẹn rhe, are i gbe ji ru omaran.” (Se Colossians 3:13.) Ọwan i ru i Jehova sọ ọgbọ buebun ne, ọrẹn, ọ harhomu ọwan. Omarana, ọ ji guọlọ na harhomu imizu ọwan. Wu rha mẹrẹnvwrurhe taghene wu ru ohworho sọ, kpare idjaghwẹ wu na kwaphiẹ ẹmro na rhọ.—Se Matthew 5:23, 24. b

 YONO KODO RHỌ

4. Fi uruemru re ni ọwan ruẹ kparobọ

Ọwan i guọlọ vwo ẹguọlọ kpahen imizu ọwan ephian. Ọrẹn, ọnọ sabu bẹn re ne dede ohworho rọ họhọre taghene ọ vẹnerẹn ọwan. Me yọ nọ ha userhumu rẹn ọwan? Se Acts 10:34, 35, orho ru, are i gba kpahenrhọ enọ enana:

• Jehova o rhiabọ dede aruẹ ihworho ephian ni rhiẹ Iseri enẹyen. Marhẹ wu ne ru hẹrokelie uvuẹn oborẹ we roro kpahen ihworho ri nẹ ekete erọrọ rhe?

• Aruẹ uruemru re ni ọwan ruẹ ọgo yẹ ihworho a mai ruẹ uvuẹn okogho ọnọ?

Se 2 Corinthians 6:11-13, orho ru, are i gba kpahenrhọ onọ ọnana:

• Wu rorori taghene wu na sabu tikẹrẹ imizu ri nẹ ekete sansan rhe?

5. Harhomu nẹ ẹhẹn rhe, ji rhiẹ ohworho ufuoma

Jehova ọ harhomu ọwan nẹ ẹhẹn sa, dedevwo ọye ọ guọlọ ẹharhomu ọwan kakaka-a. Se Psalm 86:5, orho ru, are i gba kpahenrhọ enọ enana:

• Marhẹ ẹharhomu i Jehova ọ do te?

• Mesoriẹ we vwo ọdaremẹro kpahen ẹharhomu ọnẹyen?

• Erhirhiẹ ego yi na sabu lẹrhiẹ bẹn rẹn ọwan re ne lele awọrọ nyerẹnkugbe ọrẹ ufuoma?

Marhẹ ene ru sabu hẹrokele i Jehova, jeghwai sẹrorẹ okugbe uvwre imizu ọwan? Se Proverbs 19:11, orho ru, are i gba kpahenrhọ onọ ọnana:

• Ohworho ọrhọ lẹrhuọ tuekwẹre, yanghene ruo sọ, marhẹ wu ne ru kwaphiẹ erhirhiẹ na rhọ?

 Ọkezẹko, ọwan e ruẹ awọrọ sọ. Ọrhọ phia omaran, me yo fori ne ru? Kporo IVIDIO na, orho ru, are i gba kpahenrhọ onọ ọnana.

• Uvuẹn ividio na, me yẹ omizu ọmase na o ruru nọ sabu sẹrorẹ ufuoma?

 ME WU YONORIN?

Wu na sabu sẹrorẹ okugbe uvuẹn ukoko wu havwọ nyoma we dje ẹguọlọ rẹn imizu na, jeghwai harhomu aye.

Ẹzẹkoko

• Marhẹ wu ne ru kẹnoma rẹn uruemru re ni ọwan ruẹ?

• Me wu ne ruo, orhianẹ wu vwo ẹghwọ rhẹ omizu ọrọrọ?

• Mesoriẹ wa guọlọ hẹrokele oborẹ i Jehova ọ harhomu awọrọ lele?