Me yẹ Uvie Osolobrugwẹ?
Wu na taghene . . .
-
emru rọ ha uvuẹn ọmudu ọnọ?
-
ẹmro udje?
-
usuon rọ ha obẹ odjuwu?
OBORẸ I BAIBOL NA Ọ TARE
“Osolobrugwẹ rọ ha obẹ odjuwu, ọnọ ha uvie owu mwu ra na ja sabu ghwọghọ.”—Daniel 2:44, New World Translation.
“A ha ọmọ ọhworhare rẹn ọwan ne; usuon na ono rhirhiẹ akoko yi.” —Isaiah 9:6; ekete ra djokarhọ.
OBORẸ ỌRANA ỌNỌ SABU MEVIRHỌ WẸN
-
Usuon ọsoso ọnọ sabu rhiẹ emru erere ha wẹn.—Isaiah 48:17, 18.
-
Uvuẹn akpọ ọkpokpọ rọ sa na, ene vwo obọdẹn omọkpokpọ kugbe omamerhomẹ.—Revelation 21:3, 4.
ỌWAN INE GHINI SABU KWERHỌ OBORẸ I BAIBOL NA Ọ TARE?
Ee, orho riotọre, fọkiẹ iroro eva:
-
Jesu o dje oborẹ Uvie Osolobrugwẹ ono ru phia. Jesu o yono idibo yi nẹ aye i nẹrhomo neneyo Uvie Osolobrugwẹ ọ rhe, ne ji ru ọhọre Osolobrugwẹ uvuẹn akpọ na. (Matthew 6:9, 10) Jesu o dje udje oborẹ ana kpahenrhọ ẹrhomo ọrana lele.
Ọke rọ ha otọrakpọ na, Jesu ọ ghẹrẹ erẹ erhọmo ekpe, o simi ere ekpomẹ, nọ ji rhọmọ ihworho ri hwuru! (Matthew 15:29-38; John 11:38-44) Ro rhiẹ Osun ọrẹ Uvie Osolobrugwẹ rọ sa na, Jesu ọ dabu dje ifoto oborẹ Uvie na ono ru harẹn ihworho ro no suon.—Revelation 11:15.
-
Oborẹ ọ phia uvuẹn akpọ na, o djephia taghene Uvie Osolobrugwẹ ọ sa phẹrẹkpẹ. Jesu ọ tariẹ vẹrhẹ taghene Uvie na ọnọ ki ha ufuoma rhiẹ akpọ na, akpọ na ọnọ vuọn rhẹ ikpokpogho jerẹ ivweri, erhọmo ọrhẹ etọre ekpogho.—Matthew 24:3, 7.
Ame a mẹrẹn erhirhiẹ enana inyenana. Omarana, ame ni ne vwo imwẹro taghene phẹrẹkpẹ Uvie Osolobrugwẹ ọnọ ha ikpokpogho enana toba.
GBE RORO KPAHEN ỌNANA
Marhẹ enyerakpọ ono rhirhiẹ uvuẹn otọre usuon Uvie Osolobrugwẹ?
Baibol na ọ kpahenrhọ onọ na uvuẹn PSALM 37:29 ọrhẹ ISAIAH 65:21-23.
You May Also Like
ESSENTIAL BIBLE TEACHINGS
Me Yẹ Uvie Osolobrugwẹ?
Uvuẹn owian aghwoghwo ọnẹyen, Uvie Osolobrugwẹ yẹ oborẹ i Jesu ọ mai ta kpahen ọke ro yono ihworho. O jiri ne rẹ idibo yi a nẹrhomo nẹ Uvie ọrana ọ rhe.
IRUERUO AME
Mesoriẹ Ene Yono I Baibol Na?
Baibol na ọ kpahenrhẹ enọ eduado ri sekpahẹn akpọ-enyerẹn iduduru ihworho buebun uvuẹn akpọ na. Wu guọlọ rhirhiẹ owọnwan usuẹn aye?
