Ọ bẹn wẹn wu na karorhọ oborẹ wu yonorin ọkezẹko? Ọrana ọ phia rẹn ọwan ephian ọgbọ buebun. Ọrẹn, me yọ nọ ha userhumu rẹn ọwan? Roro kpahen ihwẹnmro na.

We rhe ruẹ uyono, domaji ibiesuọn ne wu roro kpahen oborẹ wu yonorin na. Djokarhọ oborẹ ọnyikọ Paul o ru ha userhumu rẹn ihworho rọ ya ileta vwe ru omaran, nọ tare: “Vwana ọnana yẹ ihwẹnmro na.” (Heb. 8:1) Nyoma ẹmro erana, nọ sabu ha userhumu rẹn era kerhọ ye vwẹruọ oborẹ ọ ta, ọrhẹ oborẹ urhomu-ẹmro na o ru surhobọmwu ihwẹnmro na.

Wu rhe ruẹ uyono hin, wu na sabu ha ibiọke jerẹ iminiti ikpe roro kpahen ihwẹnmro wu yonorin. Ihwẹnmro na i rha sẹruọ ẹro, gba rharhumu ni urhomu-ẹmro na ọrhẹ udjoghwẹ owuowu rọ ha uvuien—ọnana ọnọ ha userhumu wẹn karorhọ oborẹ wu yonorin. Wu rhe yono emru ọkpokpọ, gba damoma haye phia ọrẹ ẹmro ọnọ. Wu rhe ru ọnana, wu na karorhọ oborẹ wu yonorin, ji djokarhọ oborẹ o ru sekpahuọn.