UVUẸN otọre Urhi na, erurẹ ọrhẹ ilekuku i ha usuẹn izobo ri Jehova o vwo ekwerhọ kpahen. A hunute efen eva erana kugbe uvuẹn irhi ri sekpahen izobo, a ji sabu ha owu ruiruo orhianẹ ọreva ye ọ havwiẹ-ẹ. (Lev. 1:14; 12:8; 14:30) Mesoriẹ ọnana orhiẹ emru erere? Iroro owu yẹ, orhiẹ ọke ephian yẹ erurẹ e rhirhiẹ ye-e. Mesoriẹ?

Erurẹ, efen re nẹ ekete owu riẹ ọrọrọ, re rhirhiẹ ẹkwotọre Israel uvwre ibiamo aruọke na ọdjẹrẹ ibiesuọn. Uvwre ibiamo October, aye ne riẹ ẹkwotọre ri djẹrhẹre ibiesuọn, ji rharhumu ghwẹrioma riẹ Israel uvuẹn ọke uvo. (Song of Sol. 2:11, 12; Jer. 8:7) Uvuẹn Israel ọke ahwanren, ọnana no mevirhọ taghene ọnọ bẹn rẹn emọ Israel aye ina ha erurẹ zẹ izobo uvwre ọke erinrin.

Ọrẹn, ilekuku i vwa kpare kwa-a, omarana aye i havwiẹ uvuẹn ọsoso ẹgbukpe na uvuẹn Israel. Habaye, ilekuku a sabu rhirhiẹ amwa. (Haye vwanvwọn John 2:14, 16.) Ọbe re seri Bible Plants and Animals, ọrhọ ta taghene “ọsoso ọko ọrhẹ emwa ri ha Palestine, e surhe ilekuku. Oghwa owuowu o vwo ophiọ yanghene ekete ilekuku a dan rua, rẹ aye e ji rhirhiẹ.”—Haye vwanvwọn Isaiah 60:8.

Omarana, Jehova no djephia taghene ọye o vwo ẹguọlọ, o ji roro rẹn ihworho, nyoma ro vwo ekwerhọ izobo ilekuku rọ havwiẹ uvwre ọsoso ẹgbukpe na.