Buebun ọwan i rhe yono emru hin, ọ vwọ lọhọ ra karorhọ oborẹ e yonori-in. Ọrẹn, wu djokarhọ ye ne taghene idje i Jesu i vwe kiki sẹrẹ ọwan ẹro-o? Arha ha ẹhẹn roro kpahen oborẹ i Jesu ọ tare, nọ lẹrhẹ ọwan karorhọ oborẹ o yonorin. Omaran ọ ji havwọ, wu na sabu karorhọ oborẹ wu yonorin, wu rha dabu roro kpahen oborẹ we se kpahan na. Marhẹ wu ne ruie lele? Nyoma wu ne sin ifoto ọke we rhe ruẹ uyono omobọ.

Ifoto rẹ ohworho o sinrin ro sekpahen emru ọkpokpọ ro yonorin, ọ vwọ kiki sẹriẹ ẹro-o. Ona ọnana ọ ha userhumu riẹn vwẹruọ oborẹ o seri, ji mwu ọhọ isese na. Ifoto na i vwe rhirhiẹ ye gbọgbọrọgbọ-ọ—ukpomaran, ọnọ sabu sin ifoto rọ nọ karorhọ phẹphẹrẹ. Iyẹnrẹn o djephia taghene ihworho ri kpako ne, ya mai mẹrẹn erere nẹ ona ọnana.

Omarana, we rhe ruẹ uyono ọke ọrọrọ, gba damoma sin ifoto ri sekpahen oborẹ wu yonorin na. Ono gbo unu taghene wu na karorhọ ekwakwa buebun wu yonorin!