OBORẸ WU NA SABU YONO KPAHEN
Oborẹ Ene ru Din Osehiẹn
Se Genesis 37:23-28; 39:17-23 orhianẹ wu guọlọ yono nẹ udje i Joseph kpahen oborẹ wu ne ru din osehiẹn.
Dabu ni ekete i Baibol na so. Mesoriẹ awọrọ e sehiẹn i Joseph? (Gen. 37:3-11; 39:1, 6-10) Marhẹ i Joseph o diẹn osehiẹn jiri te? (Gen. 37:2; 41:46) Me yi Jehova o ru rẹn i Joseph uvwrọke ọrana, me yi Jehova o vwo ru?—Gen. 39:2, 21; w23.01 17 ¶13.
Guọlọ iyẹnrẹn erọrọ kpahen oghwẹmro na. Dedevwo ane i Potiphar ọ mọrenfian baren i Joseph, ọrẹn o vwo ekete owuorowu uvuẹn i Baibol na rọ tare taghene Joseph ọ chochọn omaye-en. Marhẹ ekete i Baibol enana ine ru ha userhumu rẹn ọwan, vwẹruọ oborẹ ọsoriẹ o vwo fo ne fiẹrorhọ iyẹnrẹn ephian kpahen erhirhiẹ na, yanghene oborẹ ọsoriẹ i Joseph ọ vwọ chochọn omayen? (Prov. 20:2; John 21:25; Acts 21:37) Iruemru ego yi ha userhumu rẹn i Joseph din osehiẹn?—Mic. 7:7; Luke 14:11; Jas. 1:2, 3.
Djokarhọ iyono na. Nọ oma:
-
‘Osehiẹn ọgo yi mi na sabu dẹrughwaroghwu fọkime mẹmẹ odibo i Jesu?’ (Luke 21:12, 16, 17; Heb. 10:33, 34)
-
‘Marhẹ mi ne ru nyerẹn ghele osehiẹn mia dẹrughwaroghwẹ?’ (Ps. 62:7, 8; 105:17-19; w19.07 2-7)