So Ijoro rhẹ omamerhomẹ!
“O fori na so ijoro jiri Osolobrugwẹ ọwan.”—PS. 147:1.
IJORO: 10, 2
1. Me yẹ ijoro ẹsuọ ọ sa ọwan erhumu ruẹ?
OHWORHO owu rọ ya ijoro, ro titiri omamọ nọ tare: “Ẹmro a lẹrhẹ ohworho roro. Ikpekporo, ọ lẹrhẹ ohworho roro kodo. Ọrẹn, ijoro o te ọmudu ohworho.” Iroro ego yo rhomu ghwẹ ọrẹ ọwan ine jiri jeghwai dje ẹguọlọ phia kpahen Ọsẹ ọwan rọ ha obẹ odjuwu ro rhiẹ i Jehova? Ọrana yẹ ọsoriẹ ijoro ẹsuọ o rhiẹ emru kirighwo uvuẹn ogame ra ha vwe i Jehova, sẹ ọwan ọvo ya so ijoro yanghene ukoko na ephian.
2, 3. (a) Ukẹro ọgo yẹ ihworho buebun a ha ni ijoro ẹsuọ uvuẹn uyono ukoko? (b) Enọ ego ye ne yono kpahen?
2 Marhẹ oma o ruo lele ọke wa so ijoro uvuẹn uyono ukoko? Ofa ọ ruọ? Uvuẹn emwa buebun, ehworhare i vwa sabu so ijoro uvuẹn afiede-e. Aruo emru ọnana ọnọ sabu hobọte ukoko na ephian, maido orhianẹ ihworho ra kobaro uvuẹn ukoko na, i vwe kwe fiomarhọ irueruo ijoro ẹsuọ ọke re ruẹ uyono-o.—Ps. 30:12.
3 Omarana, ọwan i rha ghini mẹrẹnvwrurhe taghene ijoro ẹsuọ usuẹn ogame ra ha vwe i Jehova, ọwan i vwa samọ ruẹ otafe ọke ra so ijoro yanghene rhiẹ uyono arha so ijoro hin ne-e. Omarana, owuowọnwan ọ nọ omayen: ‘Ukẹro ọgo mia ha ni ijoro ẹsuọ uvuẹn uyono ukoko? Marhẹ mi ne ru fi ofẹnzẹ ijoro ẹsuọ sasasa kparobọ? Marhẹ mi ne ru sabu so ijoro na rhẹ iroro ro suien?’
IJORO ẸSUỌ—EMRU KIRIGHWO UVUẸN OGAME URHOMẸMRO
4, 5. Marhẹ yẹ ẹkwaphiẹrhotọre ijoro ẹsuọ uvuẹn ogame urhomẹmro o mwidjẹn te uvuẹn Israel ọke ahwanren?
4 Ọke jijiri ne, idibo Osolobrugwẹ i ha ijoro ẹsuọ rhiẹ emru kirighwo uvuẹn ogame aye a ha vwe i Jehova. Itiọrurhomẹmro, ijoro ẹsuọ ọ ha usuẹn ogame ro fiotọre rẹ emọ Israel i ha vwe i Jehova. Jerẹ udje, uvwre ọke Orodje David o mwuegbe oghwa ẹga na, no koko emọ i Levi ri bun te 4,000 nẹ aye i so ijoro jiri Jehova. Usuẹn enana, e yono ihworho ri bun te 288, “ni so ijoro vwe i Jehova, . . . aye ephian ewena.”—1 Chron. 23:5; 25:7.
5 Ọke ra ha oghwa ẹga na kpahontọre, ijoro ẹsuọ ọrhẹ ikpekporo i ha usuẹn ekwakwa kirighwo rẹ aye i ruru. Baibol na nọ tare: “Ogege, ọke ihworho re kporo ukpori na ọrhẹ era so ijoro ujiri jeghwai ha ekpẹmẹ vwe i Jehova ọrẹ okugbe, ọke edon ikpekporo ọrẹ ukpori na, akisẹ na ọrhẹ ekwakwa ikpekporo erọrọ e rierun ọke aye e jiri Jehova, . . . odidi Jehova [nọ] vuọn oghwa Osolobrugwẹ urhomẹmro na.” Ọnana ọ ghini bọn esegburhomẹmro ihworho na gbanhon!—2 Chron. 5:13, 14; 7:6.
6. Ta kpahen oborẹ e ru ẹkwaphiẹrhotọre ijoro ẹsuọ oghẹnrensan na lele uvwre ọke i Nehemiah o rhiẹ igọvunọ uvuẹn i Jerusalem.
6 Nehemiah ro rhiẹ igọvunọ rọ ha userhumu rẹn emọ Israel bọn ugbomoghwa i Jerusalem, no koko emọ i Levi na jeghwai yẹ aye ekwakwa rẹ aye ina ha so ijoro. Ọke ra ha ugbomoghwa na kpahontọre, ne ru ẹkwaphiẹrhotọre ijoro ẹsuọ oghẹnrensan, ọnana nọ lẹrhẹ irueruo na vuọn rhẹ aghọghọ. Uvuẹn ẹkwaphiẹrhotọre na, o vwo ẹko ihworho eva ra so ijoro ekpẹmẹ. Ẹko eva na ni nya ekete sansan kinhariẹ ugbomoghwa amwa na, aye ni vwoma obaro oghwa ẹga na, aye na so ijoro gorigori, ihworho ri ha ekete oseseri ne rhon ijoro aye. (Neh. 12:27, 28, 31, 38, 40, 43) Oma ọ ghini merhen i Jehova ọke o rhon idibo yi ra so ijoro jirie.
7. Marhẹ yi Jesu o ru dje oborẹ ijoro ẹsuọ ọ ghanren te uvuẹn ogame Ilele Kristi?
7 Ọke a ha ukoko Ilele Kristi mwu, ijoro ẹsuọ o ji rhiẹ emru kirighwo uvuẹn ogame urhomẹmro. Uvuẹn ason rọ mai ghanren uvuẹn akpenyerẹn ituakpọ, ọke i Jesu ọ ha Emaren Owuọwọn Ọrovwori na mwu hin, nọ ha ijoro ẹsuọ ba ẹkwaphiẹrhotọre na.—Se Matthew 26:30.
8. Marhẹ Ilele Kristi ọke inyikọ na i ru dje udje ijoro ẹsuọ uvuẹn ogame i Jehova?
8 llele Kristi ọke inyikọ na, i vwo uruemru rẹ aye a so ijoro jiri Osolobrugwẹ. Dedevwo aye a vwoma uvuẹn oghwa ihworho, oruru aye i vwori kpahen ijoro ẹsuọ rẹn i Jehova o seriotọre fọkiẹ erhirhiẹ na-a. Ọnyikọ Paul nọ ha urhebro rẹn Ilele Kristi ọke ọnẹyen: “Are i rhe yono, jeghwai ha urhebro rẹn owuowọnwan rhẹ ijoro ujiri, ijoro ujiri rẹn Osolobrugwẹ, ijoro ekpẹmẹ ra sua ha ga Osolobrugwẹ, are i rha so ijoro uvuẹn ọmudu are jiri Jehova.” (Col. 3:16) Itiọrurhomẹmro, ijoro ri ha uvuẹn ọbe ijoro na, ghini “ijoro ekpẹmẹ ra sua ha ga Osolobrugwẹ.” Ijoro na i ha usuẹn ekwakwa rẹ “ọvrẹn ra hẹrosua ro ji vwo ẹghwanren na,” o tiobọnu rẹn ọwan.—Matt. 24:45.
OBORẸ ENE RU FI OFA RA NA SO IJORO KPAROBỌ
9. (a) Me yọ lẹrhẹ ihworho buebun ja so ijoro rhẹ omamerhomẹ uvuẹn uyono ukoko ọrhẹ emẹvwa? (b) Marhẹ yo fori na so ijoro vwe i Jehova lele, ayọmo yo fori ni kobaro? (Mẹrẹn ifoto rọ ha uvuẹn ọtonrhọ uyono na.)
9 Me wu ne ruo, orhianẹ ihworho uvuẹn ekrun ọnọ, amwa yanghene ekete we rhirhiẹ e vwo uruemru ra so ijoro-o? Ezra 3:11; se Psalm 147:1.) Uvuẹn Aghwẹlẹ Uvie buebun inyenana, a mẹrẹn ẹmro ijoro na ra homaphia uvuẹn ekpetughe, nọ sa ọwan erhumu sabu so ijoro na gorigori. O ji rhiẹ emru omamerhomẹ ra mẹriẹn taghene ijoro ẹsuọ ọ ha usuẹn ẹkwaphiẹrhotọre Isukuru ekpako ukoko. Ọnana nọ karunumwu ọghanronmẹ rẹ ekpako ukoko ina kobaro ijoro ẹsuọ uvuẹn uyono.
Inyenana, nyoma ekwakwa ikọmputa ọrhẹ ifonu, wu na sabu kerhọ ewena ijoro ẹsuọ. Ọrẹn, ofa ọnọ sabu ruọ, nime we vwo aruo uvwele ewena ijoro ẹsuọ erana-a. Ọrẹn, o fo ne wu lẹrhẹ ọrana lẹrhuọ ja so ijoro jiri Jehova-a. Ukpomaran, dabu mọrọn ọbe ijoro ọnọ, ne wu kparughwaro rierun ne wu so ijoro rhẹ omamerhomẹ! (10. Me yo fori na karorhọ orhianẹ ofẹn o mwu ọwan ra na so ijoro?
10 Ofẹn ọ lẹrhẹ ihworho ja sabu so ijoro gorigori. Ọnọ sabu rhirhiẹ taghene ofẹn o mwu aye, nime uvwele aye ọ vwọ merhen ijoro ẹsuọ-ọ. Ọrẹn, o fori na karorhọ taghene arha tẹmro, “ọwan ephian e ruẹ sọ ọgbọ buebun.” (Jas. 3:2) Ọrẹn, ọrana ọ vwọ lẹrhẹ ọwan ja tẹmro-o. Omarana, orho fo nẹ uvwele ra ha so ijoro rọ vwọ merhen te, ọ da ọwan obọ ji ra na so ijoro jiri Jehova-a.
11, 12. Me yẹ idjaghwẹ ezẹko ri na ha userhumu rẹn ọwan rhe oborẹ a so ijoro lele?
11 Ọkezẹko, ọwan e tiẹ rierhumu fọkime e rhe oborẹ ana so ijoro na lele-e. Ọrẹn, ana sabu ru ijoro ẹsuọ nọ merhen oma, nyoma ana nyalele ọkpọvi ezẹko ri sekpahen ijoro ẹsuọ. *
12 Wu na ji sabu yono oborẹ a so ijoro rhẹ omẹgbanhon ọrhẹ uvwele gorigori nyoma wu na dabu mwuẹhẹn totọre. Jerẹ oborẹ ẹlẹtriki ọ lẹrhẹ ukpẹ ọwan lo, omaran ẹhẹn re mwuẹ totọre, ọ lẹrhẹ Ps. 33:1-3.
uvwele ọwan ruẹ gorigori ọke ra tẹmro yanghene arha so ijoro. O fori ne wu ha uvwele wa tẹmro so ijoro, yanghene tobọ rierun ghwẹ omaran. (Se idjaghwẹ ri ha uvuẹn ọbe na Benefit From Theocratic Ministry School Education, aruọbe 181 riẹ 184, ro vwo urhomẹmro na “Properly Control Your Air Supply.”) Itiọrurhomẹmro, Baibol na ọ tare taghene idibo i Jehova ra so ijoro vwe yi, i “korunu rhẹ aghọghọ.”—13. Dje fiotọre kpahen oborẹ ene ru sabu fiudugbere ọke ra so ijoro.
13 Uvwre ọke we ruẹ ogame ekrun yanghene uyono omobọ, ha idjaghwẹ enana ruiruo: Sanọ ijoro rọ mai jo uvuẹn ọbe ijoro na. Se ẹmro ri ha uvuẹn ọbe ijoro na phia rhẹ uvwele gorigori. Orho ru, gba ji ha aruo uvwele gorigori ọrana se urhie owu uvuẹn ọbe ijoro na ukwọgbọ. Orho ru, gba so urhie owu na rhẹ aruo uvwele gorigori we se yi na. (Isa. 24:14) Uvwele wa ha so ijoro na nẹ ono fiotọre jeghwai serhọ. Wu we jenẹ ofẹn yanghene ofa lẹrhuọ ja so ijoro-o!
14. (a) Marhẹ unu ra dabu rhie firhọ o ru ha userhumu rẹn ọwan arha so ijoro? (Mẹrẹn ekpeti na “ Oborẹ wu ne ru Sabu ru Riaro rhọ Uvuẹn Ijoro Ẹsuọ ọnọ.”) (b) Idjaghwẹ ego ye wu mẹrẹn ne ri ha userhumu wẹn fi ẹbẹnbẹn uvwele ijoro ẹsuọ kparobọ?
14 Ne wu sabu so ijoro gorigori, o fori ne wu dabu rhie unuo firhọ. Omarana, wa rha so ijoro gbe rhie unuo firhọ ghwẹ oborẹ we ruie wa rha tẹmro. Me wu ne ruo, orhianẹ we roro taghene uvwele ọnọ o rierun phan yanghene o riotọre phan? Wu na sabu mẹrẹn idjaghwẹ ri na ha userhumu wẹn uvuẹn ọbe na Benefit From Theocratic Ministry School Education, aruọbe 184, uvuẹn ekpeti na “Overcoming Specific Problems.”
SO IJORO UJIRI NẸ ỌMUDU ỌNỌ RHE
15. (a) Aghwoghwo ọgo ye ruru uvuẹn ẹghware ọrẹ 2016? (b) Mesoriẹ e ruẹ ọbe ijoro ọkpokpọ na?
15 Ọke re ru ẹghware ri Watch Tower Bible and Tract Society of Pennsylvania o ruẹ kẹgbukpe kẹgbukpe uvuẹn ẹgbukpe 2016, oma ọ merhen ihworho buebun ri “Sing Out Joyfully” to Jehovah. Omizu Stephen Lett ọ tare taghene emru owu rọ soriẹ e ru ọbe ijoro ọkpokpọ na, yẹ ọrẹ ene ru ẹmro ri ha uvuẹn ọbe ijoro na serhọ rhẹ ẹmro i Baibol New World Translation of the Holy Scriptures ọkpokpọ na. Ọnana o mevirhọ ọrẹ ene ruẹ eghwẹmro ọbe ijoro ahwanren ri ha uvuẹn New World Translation na dẹriẹrhiẹ ekpokpọ fọkiẹ i Baibol ọkpokpọ re tiobọnu na. Habaye, e ji tiobọnu ijoro ekpokpọ ri hobọte owian aghwoghwo ọwan ọrhẹ ọdaremẹro re djephia kpahen izobo otan i Jesu. Ra mẹriẹn taghene ijoro ẹsuọ emru kirighwo uvuẹn ogame ọwan na, Ugboma Usuon na ni ru ẹkwaphiẹrhotọre rẹ ọbe ijoro ọkpokpọ na ono vwo aruo ikọlọ i Baibol ọkpokpọ na.
riẹ ẹghware na, ọke omizu Stephen Lett rọ ha usuẹn Ugboma Usuon na o ghwoghwo taghene ene vwo ọbe ijoro ọkpokpọ re se16, 17. Ewene ego ye ruru uvuẹn ọbe ijoro ọkpokpọ na?
16 Nẹ ọbe ijoro “Sing Out Joyfully” to Jehovah na, ọ sabu phẹrẹ ẹ ha ruiruo, na kwaphiẹ irhomu-ẹmro ọbe ijoro na rhọ ẹko sansan. Jerẹ udje, ijoro 12 erukaro na i ta kpahen i Jehova, ijoro 8 ri ha kpahiẹn i ta kpahen i Jesu ọrhẹ izobo otan na, kugbe irhomu-ẹmro erọrọ. O ji vwo ekete ra kwaphiẹ irhomu-ẹmro ijoro rhọ obẹta ọbe ijoro na, ri na sa ọwan erhumu orhianẹ a guọlọ ijoro ra na so arha ẹmro otu phia.
17 Neneyo ihworho ephian i sabu so ijoro nẹ ẹhẹn rhe, ne ru ewene ezẹko uvuẹn ọbe ijoro ọkpokpọ na, e rurie nẹ ẹmro na i fiotọre, na jeghwai tiẹ eghwẹmro ezẹko ra vwa ha ruiruo ghwomaran nẹ ọbe ijoro ọkpokpọ na. Habaye, e ji ruẹ ẹmro ezẹko uvuẹn ọbe ijoro na lọhọ. Ra mẹriẹn taghene e wene oborẹ a ya riẹ lele na, nọ sabu lẹrhẹ ijoro ri ha uvuien phẹrẹ ẹsuọ. Ọbe ijoro ọkpokpọ na ọ jeghwai vwo ijoro ri sekpahen iyono ọwan ọrhẹ owian aghwoghwo na.
Yono ijoro na uvwre ọke are e ruẹ ogame ekrun (Mẹrẹn udjoghwẹ 18)
18. Mesoriẹ o fo na rienrian oma ọwan rhẹ ọbe ijoro ọkpokpọ na? (Mẹrẹn ekete ra djokarhọ na.)
18 E ru ijoro buebun ri ha uvuẹn “Sing Out Joyfully” to Jehovah na lele izede ẹrhomo ẹnẹ. Omarana, wu na sabu ha ijoro enana ta oborẹ ọ ha uvuẹn ọmudu ọnọ rẹn i Jehova. Ijoro erọrọ ri ji ha uvuien ina ha userhumu rẹn ọwan “roro harẹn [imizu ri ha uvuẹn ukoko na] neneyo a sabu dje ẹguọlọ ọrhẹ iruo esiri phia.” (Heb. 10:24) Itiọrurhomẹmro, o fori na dabu rienrian oma ọwan rhẹ ikpekporo ọrhẹ ẹmro ijoro na. Wu na sabu ru ọnana nyoma wu na kerhọ ijoro ra so phia ri ha uvuẹn jw.org. Erhe yono ijoro enana uvuẹn oghwa, ọnọ ha userhumu rẹn ọwan so aye nẹ ẹhẹn rhe, rhẹ imwẹro. *
19. Marhẹ ihworho ephian uvuẹn ukoko na ine ru sabu vwobọrhọ ogame ra ha vwe i Jehova?
19 Karorhọ taghene ijoro ẹsuọ emru kirighwo uvuẹn ogame ra ha vwe i Jehova. Ọnana izede ọghoghanren re ne dje ẹguọlọ ọrhẹ ọdaremẹro rẹn i Jehova. (Se Isaiah 12:5.) Wu rha so ijoro rhẹ aghọghọ, wu na ha urhebro rẹn awọrọ nẹ aye i ji so ijoro rhẹ uduefigbere. Itiọrurhomẹmro, ihworho ephian uvuẹn ukoko na nọyẹ iphuphẹn, eri ho ne ọrhẹ ihworho ra rhiẹ uyono obọ, ina sabu kwomakugbe so ijoro jiri Jehova. Omarana, wu vwe ti rierhumu wu na so ijoro-o. Ukpomaran, nyalele ọkpọvi ọbo ijoro na, rọ tare: “So ijoro vwe i Jehova!” Ee, so ijoro rhẹ omamerhomẹ!—Ps. 96:1.
^ Udjoghwẹmro 11 Wu rha guọlọ iyẹnrẹn erọrọ sekpahen oborẹ ene ru vwo omamọ uvwele ra so ijoro, ni JW Broadcasting ọrẹ December 2014 (video category FROM OUR STUDIO).
^ Udjoghwẹmro 18 Ikpekporo iminiti ikpe re kporo uvuẹn omẹvwa okinhariẹ ọrhẹ omẹvwa ẹkwotọre, bọmọke omẹvwa na ọ ki tuan rhọ, ọnọ sabu ha userhumu wẹn vwo ẹhẹn wu na so ijoro gorigori. A dabu kwaphiẹ ikpekporo na rhọ neneyo aye i mwuegbe ẹhẹn ọrhẹ ọmudu ọwan hẹrhẹ ẹkwaphiẹrhotọre omẹvwa na. Omarana, ne jiririe rẹn ọwan ne siyẹ bọmọke omẹvwa na ọnọ tonrhọ na dabu kerhọ ikpekporo na.