“Ọke ẹhẹn mẹ orho seriotọre, Jehova nọ ha urhebro mẹ nyoma ijoro i JW Broadcasting^®.”—Lorraine, U.S.A.

“Ijoro ukoko na” i ha usuẹn ogame Ilele Kristi a harẹn Jehova. (Col. 3:16) Wu rhe yono ijoro enana rhẹ urhomu, aye ina sabu ha userhumu wẹn orhianẹ we vwo ọbe ijoro na yanghene ifonu-u. Damoma nyalele irorẹdjẹ enana, nẹ aye i ha userhumu wẹn yono ikerẹmro ijoro na rhẹ urhomu.

• Jomarhotọre se ikerẹmro ijoro na ne wu vwẹruọ oborẹ aye i mevirhọ. Wu na sabu karorhọ iyẹnrẹn wu seri orhianẹ wu vwẹruọ oborẹ o mevirhọ. Ikerẹmro ijoro ukoko na ephian te eri JW Broadcasting^®, kugbe erẹ emọvwerhe i ha jw.org. Uvuẹn oghọn Ekwakwa re Fomu Phia, hiẹn riẹ Ikpekporo.

• Ha abọ ya ikerẹmro ijoro na. Wu rhe ruẹ omaran, ọnọ ha userhumu wẹn kiki karorhọ ẹmro ijoro na.—Deut. 17:18.

• So ijoro na phia. Se yanghene so ijoro na ọgbọ buebun.

• Damu aphẹrhiẹn ọnọ. Damoma karorhọ ikerẹmro ijoro na, ọrẹn wu vwe ni ọbe ijoro na-a, orho ru gba djokarhọ ẹmro wu sabu karorhọ vabọ ọbe ijoro na.