Wu guọlọ mẹrẹn erere nẹ uyono omobọ ọnọ? Ena enana ina ha userhumu wẹn riamerhen uyono na:

• Sanọ ekete ro serhọ. Damoma guọlọ ekete rọ dabu fon ro ji vwo ukpẹ. Wu na sabu siyẹ aga, imẹdjẹ, yanghene ekete ọrọrọ ro serhọ uvuẹn otafe.

• Guọlọ ekete ọfọfọ. Jesu ọ nẹrhomo “igidurhiọke” uvuẹn “ekete kologho.” (Mark 1:35) Orhianẹ o vwo ekete ọfọfọ-ọ, wu na sabu ta rẹn ekruon, yanghene ihworho wẹwẹ rhẹ aye e gbe rhirhiẹ oghwa owu, nẹ aye i rhe ọke we ruẹ uyono omobọ ọnọ, nẹ aye i je rhe kpokpuo.

• Damoma kpomavi ọke we rhe ruẹ uyono. Kẹnoma rẹn ekwakwa ri na lẹrhuọ ja riamerhen uyono na. Orhianẹ wa ha ifonu yanghene itablẹti ruẹ uyono na, fie rhẹ erhirhiẹ ro no jo kporo phia, neneyo ọ jọ rhọ suẹ ọyanghan rhẹ uyono na. Wu rha karorhọ oborẹ wa guọlọ ruẹ ọke we ruẹ uyono omobọ ọnọ, wu na sabu ya ye rhotọre ji wian kpahiẹn orho ru. Orhianẹ ọ bẹn wẹn wu na kpomavi ọke we rhe ruẹ uyono, wu na sabu vẹnrẹn ibiesuọn yanghene sasoma.