Jehova o Sun Ihworho Enẹyen
“Jehova ono sun are ọke ephian.”
IJORO: 152, 22
1, 2. (a) Marhẹ ihworho ra kobaro uvwre ihworho i Jehova i ru vẹnẹ ilori ẹga? (b) Me ye ne yono kpahen uvuẹn urhomu-ẹmro ọnana ọrhẹ ọrẹ ọ ha kpahiẹn?
ỌRỌMO yo sun are? Omaran ihworho buebun a nọ Iseri Jehova. Aye a nọ onọ ọnana nime uvuẹn ẹga buebun, ọmase yanghene ọhworhare owu yo sun aye. Ọrẹ ovẹnẹ, oma ọ merhen ọwan rẹ ọwan a ta rẹn awọrọ taghene ọrẹ o sun ọwan ohworho rọ gbare. Omarana, ọwan na nyalele ọkpọvi Jesu Kristi ro rhiẹ ohworho rọ nyalele ọkpọvi Jehova.
2 Ọrẹn, o vwo ehworhare re ha uvuẹn otọrakpọ na ra kobaro uvwre ihworho Osolobrugwẹ inyenana, aye yẹ “ọvrẹn ra hẹrosua ro ji vwo ẹghwanren na.” (Matt. 24:45) Omarana, marhẹ ọwan i ru rhe taghene i Jehova yo ghini sun ọwan nyoma i Jesu? Uvuẹn urhomu-ẹmro ọnana ọrhẹ ọrẹ ọ ha kpahiẹn, ọwan ine yono kpahen oborẹ i Jehova ọ nyoma ihworho ezẹko sun ihworho enẹyen uvwre ẹgbukpe buebun ne. Irhomu-ẹmro eva na, ina ta kpahen ada esa ri djerie phia taghene i Jehova yo ghini nyoma ehworhare erana sun ihworho enẹyen, ọnana no djephia taghene ọye yo sun ihworho enẹyen ọke ahwanren ọrhẹ ọke ọnana.
ẸHẸN ỌFUANFON NA YO RURU AYE GBANHON
3. Me yọ ha userhumu rẹn i Moses sabu sun emọ Israel?
3 Ẹhẹn ọfuanfon na yo ru ihworho rẹ Osolobrugwẹ ọ ha sun idibo yi gbanhon. Roro kpahen i Moses ri Jehova ọ djẹre no sun Isaiah 63:
4. Marhẹ emọ Israel i ru rhe taghene ẹhẹn ọfuanfon Osolobrugwẹ yọ ha userhumu rẹn i Moses? (Mẹrẹn ifoto rọ ha uvuẹn ọtonrhọ uyono na.)
4 Ra mẹriẹn taghene ẹhẹn ọfuanfon na omẹgbanhon ra vwa mẹrẹn na, marhẹ emọ Israel ine ru sabu rhe taghene ọ wian uvuẹn oma i Moses? Ẹhẹn ọfuanfon na ọ ha userhumu rẹn i Moses ru igbevwunu sansan jeghwai dje odẹ Osolobrugwẹ phia rẹn i Pharaoh. (Ex. 7:
5. Dje oborẹ i Jehova o ru sabu ru ihworho ezẹko gbanhon neneyo aye i sabu sun idibo enẹyen.
5 Ọke oru, ẹhẹn ọfuanfon Osolobrugwẹ nọ ha userhumu rẹn awọrọ ri Jehova ọ djẹha ni sun ihworho enẹyen. “Joshua ro rhiẹ ọmọ i Nun, o vwo ẹghwanren.” (Deut. 34:9) “Ẹhẹn ọfuanfon i Jehova nọ ro oma i Gideon.” (Judg. 6:34) “Ẹhẹn ọfuanfon i Jehova no ru i David gbanhon.” (1 Sam. 16:13) Ehworhare erana ephian i hẹroso ẹhẹn ọfuanfon i Jehova nọ ha userhumu rẹn aye, ẹhẹn ọfuanfon na nọ ji lẹrhẹ aye wian ewian rẹ aye ina ja sabu wian rhẹ omẹgbanhon aye. (Josh. 11:
6. Mesoriẹ Osolobrugwẹ ọ guọlọ taghene emọ Israel i mwuọghọ rẹn ihworho re suẹn aye?
6 Marhẹ yo fori nẹ emọ Israel i kpahenrhọ ye, rẹ aye a mẹriẹnvwrurhe taghene ẹhẹn ọfuanfon yọ ha userhumu rẹn ehworhare erana? Ọke emọ Israel e brenu kpahen usuon i Moses, Jehova nọ ta rẹn aye: “Marhẹ yo no jiri te rẹ ihworho enana ine je mwuọghọ mẹ?” (Num. 14:
EMAKASHE I HA USERHUMU RẸN AYE
7. Marhẹ yẹ emakashe i ru ha userhumu rẹn i Moses?
7 Emakashe i ha userhumu rẹn ihworho rẹ Osolobrugwẹ ọ ha sun idibo yi. (Se Hebrews 1:
8. Userhumu ọgo yẹ emakashe i yẹ Joshua ọrhẹ Hezekiah?
8 Ọke i Moses o hwu hin, Jehova nọ nyoma ọmakashe ru i Joshua gbanhon, nọ sabu sun emọ Israel fi itu i Canaan kparobọ; emọ Israel ni ghini fikparobọ. (Josh. 5:
9. Ijẹgba ihworho rẹ Osolobrugwẹ ọ ha sun idibo yi, ọ lẹrhẹ emọ Israel ja nyalele ọkpọvi aye? Dje udje yi.
9 Itiọrurhomẹmro, emakashe ri ha userhumu rẹn ehworhare erana, i gbare, ọrẹn ihworho na a gba-a. Jerẹ udje, uvuẹn erhirhiẹ owu, Moses ọ ha ujiri rẹn i Jehova-a. (Num. 20:12) Joshua ọ nekpẹn ọkpọvi mie i Jehova vwẹre, o ki lele itu i Gibeon riẹ ọphọ-ọ. (Josh. 9:
AYE I MẸRẸN ỌKPỌVI NẸ ẸMRO OSOLOBRUGWẸ RHE
10. Marhẹ yẹ Urhi Osolobrugwẹ o ru ha ọkpọvi rẹn i Moses?
10 Ihworho rẹ Osolobrugwẹ ọ ha sun idibo yi i mẹrẹn ọkpọvi nẹ Ẹmro ọnẹyen rhe. Baibol na o se Urhi rẹ Osolobrugwẹ ọ harẹn emọ Israel, Urhi Moses. (1 Ki. 2:3) Ọrẹn, Baibol na o dje i Jehova rhiẹ ohworho ro vi vwo Urhi na, habaye, Moses ọ ji nyalele Urhi na. (2 Chron. 34:14) Ọke ri Jehova ọ ha ọkpọvi phia kpahen oborẹ ana bọn i tabernacle na lele, “Moses no ru kemru kemru ri Jehova ọ ta riẹn. No ghini ru omaran.”
11, 12. (a) Me yi Jehova ọ guọlọre nẹ i Joshua ọrhẹ ihworho ri sun idibo enẹyen ọke ahwanren i ru? (b) Marhẹ Ẹmro Osolobrugwẹ o ru ha ọkpọvi rẹn ihworho rẹ Osolobrugwẹ ọ ha sun idibo yi?
11 Nẹ ọtonrhọ usuon i Joshua rhe, ọ ha obọ ọnẹyen ya Ẹmro Osolobrugwẹ rhotọre. Jehova nọ ta riẹn: “Wu ne vi se yi jeghwai roro kpahiẹn ason rhẹ uvo, neneyo wu jomarhotọre ru lele ọsoso oborẹ a ya rhẹ uvuien.” (Josh. 1:8) Ọke oru, irodje ri sun ihworho Osolobrugwẹ ni ji nyalele ọkpọvi ọrana. Aye ine vi se Urhi na kẹdẹkẹdẹ, ha obọ aye ya ye rhotọre jeghwai ‘nyalele ọsoso ẹmro ri ha uvuẹn Urhi na ọrhẹ ọkpọvi enana nyoma aye ine ru lele oborẹ ọ ha uvuien.’
12 Marhẹ Ẹmro Osolobrugwẹ o ru hobọte ihworho ri sun idibo Osolobrugwẹ? Roro kpahen udje Orodje Josiah. Ọke ra mẹrẹn ọbe urhi Moses na, ohworho rọ ya ẹbe harẹn i Josiah no se rie riẹn. * Marhẹ yẹ orodje Josiah ọ kpahenrhọ ye lele? “Ogege orodje na o rhon ẹmro rọ ha uvuẹn ọbe Urhi na, nọ bẹrẹ ewun ọnẹyen.” Ọrẹn, Josiah o ji ru emru ọrọrọ. Nyoma ọkpọvi rọ ha uvuẹn Ẹmro Osolobrugwẹ, Josiah nọ kpare idjaghwẹ rọ ghwọghọ ema re ha uvuẹn amwa na jeghwai ru ẹkwaphiẹrhotọre ra na riorẹ ọnyavrẹn na. (2 Ki. 22:11; 23:
13. Ovẹnẹ ego yi ha uvwre ihworho ri suẹn idibo Osolobrugwẹ ọrhẹ ihworho re sun egbamwa erọrọ?
13 Irodje emọ Israel na i vẹnẹ irodje amwa erọrọ ra hẹroso ẹghwanren omobọ aye ọrhẹ ena ituakpọ ọvo. Uvuẹn otọre usuon itu i Canaan, ihworho e ru ekwakwa ibiobiomu buebun jerẹ uruemru rẹ imizu a rọnmọ imizu, uruemru rẹ ehworhare ra gbẹ ehworhare yanghene emẹse ra gbẹ emẹse, uruemru rẹ ihworho e lele eramo bru ehware, uruemru ra ha emọ ze izobo, ọrhẹ uruemru ema ẹgọ. (Lev. 18:
14. Mesoriẹ i Jehova ọ ghwọghwu ihworho enẹyen ezẹko re sun idibo yi?
14 Orhiẹ ọsoso ihworho ephian ri suẹn idibo i Jehova ọke ahwanren yi nyalele ọkpọvi Jehova-a. Habaye, ihworho ri suẹn idibo i Jehova ri vwe kwe huvwele i Jehova, ni tiẹn ọkpọvi ẹhẹn ọfuanfon na, emakashe na ọrhẹ Ẹmro ọnẹyen. Uvuẹn erhirhiẹ ezẹko, Jehova ọ ghwọghwu irodje na, ọkezẹko ọ tobọ ti aye nẹ ẹrhẹ orodje. (1 Sam. 13:
JEHOVA Ọ HA OSUN RỌ GBARE E MWU
15. (a) Marhẹ emẹraro na i ru djephia taghene ohworho ro mwuovwan ro no sun aye ọnọ homaphia? (b) Ọrọmo yẹ osun ra mẹraro kpahen na?
15 Uvwre ẹgbukpe buebun, Jehova nọ tare taghene ọye ọnọ ha osun ro mwuovwan e mwu no sun ihworho enẹyen. Moses nọ ta rẹn emọ Israel: “Jehova Osolobrugwẹ are ọnọ ha ọmẹraro jerẹ omẹmẹ mwu uvwre are. Are ina vi kerhọ ye.” (Deut. 18:15) Isaiah ọ mẹraro rhotọre taghene ohworho ọnana ono rhiẹ osun ọrhẹ olotu. (Isa. 55:4) Ẹhẹn ọfuanfon Osolobrugwẹ, o ji mwu i Daniel ya kpahen ẹrhiọ i Messiah ro no rhiẹ Osun na. (Dan. 9:25) Habaye, Jesu Kristi no dje omayen phia taghene ọye yẹ ohworho ro no sun ihworho Osolobrugwẹ. (Se Matthew 23:10.) Idibo i Jesu i nyalelie nẹ ẹhẹn rhe, aye i jeghwai vwo imwẹro taghene ọye yi Jehova ọ djẹha. (John 6:
16. Me yo djerie phia taghene ẹhẹn ọfuanfon na o ru i Jesu gbanhon?
16 Ẹhẹn ọfuanfon na o ru i Jesu gbanhon. Ọke i Jesu o bromarhame, John ro bru ihworho rhẹ ame na, nọ mẹrẹn odjuwu na ro rhie firhọ, nọ mẹrẹn ẹhẹn ọfuanfon Osolobrugwẹ rọ ruotọre jerẹ ilekuku, rọ dan mwuie. Ọke oru, “ẹhẹn ọfuanfon no rurie no riẹ ato na.” (Mark 1:
17. Userhumu ọgo yẹ emakashe i yẹ i Jesu?
17 Emakashe i ha userhumu rẹn i Jesu. Ogege i Jesu o bromarhame, “emakashe ni homaphia riẹn jeghwai gbodibo riẹn.” (Matt. 4:11) Bọmọke i Jesu o hwu, “ọmakashe nọ homaphia riẹn jeghwai ruie gbanhon.” (Luke 22:43) O mwu i Jesu ẹro taghene i Jehova ọnọ nyoma ọmakashe ha userhumu riẹn nọ sabu ruẹ ọhọre Osolobrugwẹ ọke ephian.
18, 19. Marhẹ Ẹmro Osolobrugwẹ o ru yẹ i Jesu ọkpọvi uvuẹn akpenyerẹn yen ọrhẹ iyono yi?
18 Ẹmro Osolobrugwẹ ọ yẹ i Jesu ọkpọvi. Nẹ ọke ri Jesu ọ tuẹn owian aghwoghwo na rhọ ye te ọke uhwu ọnẹyen, ọye ọ ha uphẹn rẹn Ẹmro Osolobrugwẹ nọ kpọ ye vi. (Matt. 4:4) Itiọrurhomẹmro, ọye ọ nyalele Ẹmro Osolobrugwẹ tobọ te erhirhiẹ rọ homakpahontọre hwu uvuẹn orhan oja. Ẹmro enẹyen rọ tare o ki hwu, i sekpahen aruẹmẹrẹn ra ta kpahiẹn. (Matt. 27:46; Luke 23:46) Ọrẹ ovẹnẹ, ilori ẹga ọke ọnẹyen i vwa nyalele Ẹmro Osolobrugwẹ-ẹ, orho sekpahen oborẹ aye i vwo ekwerhọ kpahen nẹ otọre rhe. Ọke i Jesu o se nẹ ọbe rẹ Isaiah ọ yare, Jesu nọ ta kpahen ilori ẹga na: “Ihworho enana a họghọ mẹ rhẹ ugbunu aye, ọrẹn ọmudu aye o tephe mẹ. Ẹga rẹ aye a ha mẹ ofefe, nime aye e yono irhi ituakpọ rẹ aye i vwo ekwerhọ kpahen.” (Matt. 15:
19 Jesu ọ ha uphẹn rẹn Ẹmro Osolobrugwẹ nọ kpọ irueruo yi ọrhẹ iyono ọnẹyen vi. Ilori ẹga i rha nọ yen enọ, ọ vwọ hẹroso ẹghwanren ọnẹyen yanghene irherhe ọnẹye-en. Ukpomaran, ọ ha Ẹmro Osolobrugwẹ kpahanrhọ ye harẹn aye. (Matt. 22:
20. (a) Marhẹ yi Jesu o ru homariotọre rẹn Osolobrugwẹ? (b) Me yẹ ovẹnẹ rọ ha uvwre i Jesu ọrhẹ Herod Agrippa ọrukaro, o yonirin ọwan kpahen ihworho Osolobrugwẹ ọ djẹre ni sun ihworho yi?
20 Dedevwo Jesu ọ dabu yono ihworho rhẹ ẹmro esiri, ọ ha ujiri na rẹn i Jehova ro rhiẹ Oyono ọnẹyen. (Luke 4:22) Ọke rẹ ọdafe owu ọ damoma rọ nọ ha ujiri vwe i Jesu nyoma o se yi “Omamọ Oyono,” Jesu nọ kpahenrhọ riẹn rhẹ ẹhẹn bọrọbọrọ, nọ tare: “Mesoriẹ we se mẹ omamọ ohworho? O vwo ohworho ro rhomuru-un, jokpanẹ Osolobrugwẹ ọvo.” (Mark 10:
21. Me ye ne yono kpahen uvuẹn urhomu-ẹmro rọ ha kpahen ọnana?
21 Usuon i Jesu ono rhirhiẹ ye bẹmẹdẹ. Jesu nọ tare: “A yẹre mẹ omẹgbanhon ephian obẹ odjuwu ọrhẹ uvuẹn otọrakpọ na ne . . . Nughe! Mẹmẹ rhẹ are i gba havwiẹ ẹdẹ na ephian bọmọke enyerakpọ na ono te oba.” (Matt. 28:
^ Udjoghwẹmro 12 Ọnana ọnọ sabu rhiẹ ọbe urhi ri Moses ọvo ọ ha obọ ọnẹyen ya.