They Found Something Better
ILELE KRISTI urhomẹmro i vwa riorẹ Ikrismasi-i. Marhẹ oma o ru aye kpahen orhienbro aye? Aye e roro taghene emru o vruẹ nẹ aye obọ? Emọ aye e roro taghene e tiẹ emru nu rẹn aye? Roro kpahen oborẹ Iseri Jehova ri ha ekete sansan uvuẹn akpọ na i ta kpahiẹn.
Eve
Ra Karorhọ i Jesu Kristi: “Mi ki rhiẹ Oseri Jehova, mi vwe riẹ ishọshi gbọriọ-ọ. Ẹdẹ mia nya yẹ ọke ra riorẹ Ikrismasi yanghene Easter. Ọke ọrana dede, mi vwe roro kpahen Jesu Kristi-i. Mi vwa rha riorẹ Ikrismasi-i, ọrẹn mie riẹ uyono ukoko Iseri Jehova ọgbeva ọkprughwre, mie ji yono awọrọ oborẹ i Baibol na ọ ta kpahen i Jesu!”—EVE, AUSTRALIA.
Reuben
Omamerhomẹ ra mẹrẹn ọke re tiobọnẹ: “Oma ọ merhen mẹ ihworho i rha yẹ mẹ ẹghẹlẹ ọke mi vwe fiẹrorhọ. Ọnana ọ lẹrhẹ oma merhen mẹ! Mie ji sin ifoto jeghwai ruẹ aruẹ ikadi sansan rẹn ihworho, nime ọ lẹrhẹ oma merhen aye, ọ ji lẹrhẹ oma merhen mẹ.”—REUBEN, NORTHERN IRELAND.
Emily
Ra ha userhumu rẹn eri ha ọkanronmẹ: “Oma ọ merhen ame re ame ine sere emaren rẹn ihworho re kpomẹ. Ọkezẹko, ame a yẹ aye idodo, cake, yanghene ibiẹ ẹghẹlẹ nẹ oma ọ sabu merhen aye. Ame a riamerhen ọnana, nime ame ina sabu kọn bru ihworho enana ọke ro jerẹ ame uvuẹn ẹgbukpe na.”—EMILY, AUSTRALIA.
Wendy
Okugbe rọ ha ekrun: “Ekrun ame i rhe kwomakugbe riakpọ, emọ ame na dabu rhe imizu ame ehworhare ọrhẹ emẹse, izu ọrhẹ ọsẹ aye ọduado, kugbe imizu aye erọrọ. Nime a vwa gba ame kwomakugbe riakpọ ọke ephian uvuẹn ẹgbukpe na-a, ihworho ekrun ame ne rhe taghene ame a kọn bru aye nime ame i vwo ẹguọlọ kpahen aye.”—WENDY, CAYMAN ISLANDS.
Sandra
Peace: “Ọke ra riorẹ Ikrismasi, ihworho buebun e ruẹ irueruo sansan, ọnana ọ vwọ rhọ lẹrhẹ aye roro kpahen oborẹ aye ine ru vwo ufuoma-a. Nime Baibol na o yonirin mẹ kpahen ive rọ ha obaro na rẹn ituakpọ, ọnana nọ lẹrhẹ ẹhẹn mẹ totọre. Mi rheri taghene emọ mẹ ine vwo obọdẹn obaro akpọ.”—SANDRA, SPAIN.