August 5-11

EFE RI NẸ ẸMRO OSOLOBRUGWẸ RHE

1. “Ta Rẹn Uvwiẹ rọ sa na” Kpahen Omẹgbanhon Osolobrugwẹ

(Iminiti 10)

Jehova ọ sẹrorẹ i David ọke rọ ha uphuphẹn (Ps 71:5; w22.01 6-7 ¶15)

Jehova ọ hobọtua i David uvuẹn ọke ọho ọnẹyen (Ps 71:9; g04-E 10/8 23 ¶3)

Oborẹ i David o rhiẹromẹrẹn rọ ta kpahen, ọ bọn iphuphẹn erọrọ gbanhon (Ps 71:17, 18; w14-E 1/15 23 ¶4-5)

NỌ OMA, ‘Omizu ọgo rọ ga ẹgbukpe buebun ne uvuẹn ukoko mi havwọ, yi mi guọlọ rhonmie uvwrọke ame e ruẹ Ogame Ekrun owuọwọn?’

2. Efe erẹ Ẹhẹn

(Iminiti 10)

Ps 72:8—Marhẹ ive i Jehova rẹn Abraham rọ ha uvuẹn i Genesis 15:18, o ru rugba uvwrọke usuon Orodje Solomon? (it-1-E 768)

Ẹkpahenrhọ ọnọ
Me wu yono nẹ isese i Baibol ọkprughwre ọnana re wu guọlọ ta kpahen?

Ẹkpahenrhọ ọnọ

3. Isese i Baibol

(Iminiti 4) Ps 71:1-24 (th uyono 5)

FIOMA RHẸ IRUO AGHWOGHWO UVIE NA

4. Ra Tuẹn Ikuegbe Rhọ

(Iminiti 3) NẸ OGHWA RIẸ OGHWA. Ha izede bọrọbọrọ fiobarhọ ikuegbe na, orhianẹ ọrovwoghwa na no titietio. (lmd uyono 4 udjoghwẹ 5)

5. Ẹrharhumu Bru

(Iminiti 4) RHARHUMU BRU ỌRẸ WU VWARE UVUẸN AGHWOGHWO KPREGEDE. Tẹmro na riobarorhọ rhẹ owuọwan uvuẹn ekruon re wu lele tẹmro bi, ro ruẹ sikẹnsikẹn ro no yono i Baibol na. (lmd uyono 8 udjoghwẹ 4)

6. Re Dje Imwẹro Ọwan Fiotọre

(Iminiti 5) Ẹmro. ijwfq 49—Urhomu-ẹmro: Mesoriẹ Iseri Jehova e Wene Imwẹro Aye Ezẹko? (th uyono 17)

ENYERẸN ILELE KRISTI

7. Irorẹdjẹ Ogame Ekrun

(Iminiti 15) Ẹmro otu ine vwobọrhọ.

Ogame Ekrun, obọdẹn uphẹn ra ha userhumu rẹn emọ yono kpahen “ọghwọghwu ọrhẹ ọkpọvi Jehova.” (Eph 6:4) Dedevwo uyono ọ guọlọ omẹdamu, ọrẹn ana ji sabu riamerhiẹn, maido ọke emọ na erhe vwo omwemẹ rẹ aye ine yono kpahen irhomẹmro ri ha uvuẹn i Baibol na. (Joh 6:27; 1Pe 2:2) Zẹ irhomu-ẹmro ri ha uvuẹn ekpeti na “ Irorẹdjẹ Ogame Ekrun” koko, ro vwo irorẹdjẹ ri na ha userhumu rẹn emiemọ ruẹ Ogame Ekrun aye no rhiẹ ọrọ merhoma rọ ji vuọn rhẹ iyono. Orho ru gba nọ otu na:

Ọgo usuẹn irorẹdjẹ enana yi wu guọlọ damu?

Ẹkpahenrhọ ọnọ
O vwo irorẹdjẹ ọrọrọ rọ rhua erere ha wẹn ne?

Ẹkpahenrhọ ọnọ

IRORẸDJẸ OGAME EKRUN

BAIBOL NA:

Are i ghalẹ isese i Baibol ọrẹ ọkprughwre na se. Isese na orho vwo ihworho sansan ri tẹmro, ekrun na ina sabu ghaliẹ rhẹ oma se
Mwuegbe enọ nẹ isese i Baibol ọrẹ ọkprughwre na. Jenẹ owuowọnwan uvuẹn ekrun na ọ djẹ ọrẹ ọ guọlọ tọn kodo kpahen. Orho ru, aye i gba ta kpahen oborẹ aye i yonorin uvuẹn Ogame Ekrun ọkprughwre rọ ha kpahiẹn
Fiẹ onọ rhotọre yanghene ta kpahen obẹnbẹn owu rọ nọ sabu homaphia, orho ru, are i gba tọn kodo kpahen iruemru-urhi i Baibol rọ ta kpahiẹn nẹ uvuẹn ọbe na Scriptures for Christian Living
Are i ha iruẹn-udje i Baibol owu phia
Kọkprughwre kọkprughwre, are i vwo evwẹre ẹbe rẹ are i ya ekete i Baibol sansan rhọ ọrhẹ oborẹ ọ tare rhẹ oberhumuie, jerẹ ekete i Baibol ri ha uvuẹn iyẹnrẹn ra habaye A uvuẹn ibroshọ na Ẹguọlọ wu Vwo Kpahen Ihworho—Ono Mwuo Ruẹ Idibo, orho ru, are i gba damoma rhe ekete i Baibol na rhẹ urhomu. Are i rharhumu ta kpahen oborẹ are i ya rhẹ uvuẹn evwẹre ẹbe na ikprughwre ri vrẹnren na
Are i yono ekete ezẹko yanghene uyono owu uvuẹn ọbe na Riamerhen Akpenyerẹn Bẹmẹdẹ!
Ta rẹn owuowọnwan uvuẹn ekrun na nẹ aye i ta kpahen urhomu-ẹmro owu uvuẹn oghọn na “Enọ i Baibol na ọ Kpahenrhọ,” rọ ha uvuẹn oghọn na IYONO I BAIBOL uvuẹn i jw.org

UYONO UKOKO:

Mwuegbe oghọn owu uvuẹn uyono ukoko
Mwuegbe ẹkpahenrhọ rẹ are ina haphia. Djokarhọ ibrẹro rẹ ẹkpahenrhọ na ọnọ ha
Are i yono oborẹ a so ijoro ukoko na
Are i mwuegbe ẹmro urhebro rẹ are i guọlọ ta rẹn ohworho, na ki tuẹn uyono rhọ yanghene ọke re fuen uyono ne
Ohworho owu uvuẹn ekrun na orho vwo ẹhaphia uvuẹn uyono ukoko, jenẹ ọ ha ye phia nẹ ekrun na ephian i kerhọ ye

OWIAN AGHWOGHWO NA:

Mwuegbe rhẹ aghwoghwo i nẹ oghwa riẹ oghwa
Mwuegbe rhẹ ẹrharhumu bru wu na nya
Are i roro kpahen uphẹn rọ nọ sabu rhiefirhọ rẹn are rẹ are ine ruẹ aghwoghwo kpregede, orho ru are i dje udje oborẹ are ine ru tuẹn ẹmro rhọ rhẹ ohworho na sasasa
Are i ta kpahen ẹkẹ are ina sabu bru te oma, rẹ are ine kerabọ owian aghwoghwo are uvwrọke Ẹkarorhọ Uhwu i Jesu, uvwrọke wu ne je riẹ iruo yanghene emọ na i rha ha họlide ne

EDAMẸ EKRUN NA:

Mwuegbe oborẹ are ine ru fiẹ erhirhiẹ egbobọse ra phia vwana yanghene eri na sabu phia obaro na kparobọ, jerẹ ọhiẹn re ne vwobọrhọ usuon oseghe, re sehiẹn ohworho, ọhiẹn ra na djọse yanghene ọhiẹn re ne vwobọrhọ erẹ ri vwe fo
Emọ na i rhe vwo enọ, eri vwiẹrẹ aye i ta rẹn aye nẹ aye i ya tọn kodo kpahiẹn. Orho ru, emọ na i gba ha ẹrhẹ ọsẹ ọrhẹ izu na ji lele aye ta kpahiẹn

IRORẸDJẸ ERỌRỌ:

Are i ni ji ta kpahen ẹkwaphiẹrhotọre i JW Broadcasting^® owu
Are i se urhomu-ẹmro owu yanghene ni ividio owu uvuẹn i jw.org, orho ru are i gba ta kpahiẹn
Are i ta kpahen urhomu-ẹmro owu ri ha eghọn na “Iphuphẹn” yanghene “Emọ,” ri ha uvuẹn oghọn na IYONO I BAIBOL uvuẹn i jw.org
Are i ta kpahen oborẹ are i ya rhotọre uvuẹn omẹvwa okinhariẹ yanghene ọrẹ ẹkwotọre
Are i ni emama owu so yanghene tọn kodo kpahiẹn, orho ru are i gba ta kpahen oborẹ o yonirin ọwan kpahen i Jehova
Ọkezẹko ha use rẹn ohworho nọ homaba are, orho ru nẹ are i rhonmie yin
Are i ta kpahen ẹkẹ rẹ owuowọnwan uvuẹn ekrun na ọnọ sabu bru te oma uvuẹn ogame i Jehova ọrhẹ oborẹ are ine ru nyamwu aye
Are i damoma bọn owọ i Noah yanghene yono kpahen imapu, yanghene ishati ezẹko ri ha uvuẹn i Baibol ọwan ọrhẹ ẹbe ukoko na

Kporo IVIDIO na Rhe Ruẹ Ogame Ekrun Ọnọ Rhomẹrhọ. Orho ru gba nọ otu na:

Marhẹ esa ono ru ruẹ ogame ekrun na nẹ aniẹ ọ riamerhiẹn, orhianẹ emọ aye i nẹ oghwa ne?

Ẹkpahenrhọ ọnọ

8. Uyono i Baibol ọrẹ Ukoko

(Iminiti 30) lfb uyono 53

Ifuen Ẹmro (Iminiti 3) | Ijoro 123 Ọrhẹ Ẹrhomo

ỌBE-OWIAN UYONO AKPENYERẸN ỌRHẸ IRUO UVIE NA

Ọbe Ẹkwaphiẹrhotọre Ọrẹ Uyono Akpenyerẹn Ọrhẹ Iruo Uvie na Ọrẹ August 5-11, 2024

Okpe

Ọbe Ẹkwaphiẹrhotọre Ọrẹ Uyono Akpenyerẹn Ọrhẹ Iruo Uvie na Ọrẹ August 5-11, 2024

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 July aruọbe 10-16

Iseri Jehova

August 5-11

PSALMS 70-72

Ijoro 59 Ọrhẹ Ẹrhomo | Ẹmro Ọtonrhọ (Iminiti 1)

EFE RI NẸ ẸMRO OSOLOBRUGWẸ RHE