ENYERẸN ILELE KRISTI
E Rhe Ruẹ Ena Ọwan Uvuẹn Owian Aghwoghwo Na Rhomẹrhọ—Re Yono Emọ Uyono Ọwan Nẹ Aye i Mwuegbe
OBORẸ ỌSORIẸ ỌGHANREN: Ọke emọ uyono i Baibol e rhe mwuegbe, aye na sabu vwẹruọ jeghwai karorhọ oborẹ ọwan e yono aye na. Aye erhe vwẹruọ jeghwai karorhọ uyono na rhọ, nọ phẹrẹ aye ina do riobarorhọ. Aye i rha tobọ bromarhame hin, o ji fo nẹ aye i rhe mwuegbe rhẹ iyono ọrhẹ owian aghwoghwo na neneyo aye i sabu “rha dẹrẹ.” (Mt 25:13) Omarana, ne rhe oborẹ ene yono ọrhẹ omamọ ẹkwaphiẹrhotọre uyono, ọnọ rhua erere vwe aye uvuẹn ọsoso akpenyerẹn aye. Nẹ ọtonrhọ rhe, o fori na ha userhumu rẹn ere yono nẹ aye i vwo uruemru aye ine mwuegbe rhẹ uyono i Baibol.
OBORẸ ENE RUIE LELE:
-
Rhiẹ omamọ udje. (Ro 2:21) Ọke we mwuegbe rhẹ uyono owuowu, vwo ọrẹ we yono na rhẹ ẹhẹn. (km 11/15 3) Jenẹ ọ mẹrẹn ọbe wu mwuegbe rhọ na
-
Ha udu rhọ ye aghwẹ no mwuegbe. Wu rha ha uyono na mwu hin, jenẹ o rhe taghene re mwuegbe usuẹn ẹkwaphiẹrhotọre uyono i Baibol na, ne wu jeghwai dje riẹn erere rọ havwiẹ. Ha irorẹdjẹ phia kpahen oborẹ ono ru fi ọke rhotọre mwuegbe harẹn uyono na. Iyono ezẹko a ha uphẹn rẹn erẹ aye e yono nẹ aye i ha ọbe aye i mwuegbe rhọ ruiruo ọke aye e ruẹ uyono, neneyo ọ ha userhumu rẹ ọrẹ aye e yono na mẹrẹn erere re mwuegbe. Kpẹmiẹ ọke orho mwuegbe
-
Dje oborẹ ono mwuegbe lele hariẹn. Nẹ ọtonrhọ rhe, iyono ezẹko a ha ọke rẹ aye ine yono e dje oborẹ ohworho aye e yono na ono ru mwuegbe rhẹ uyono yi