November 18-24
PSALMS 107-108
Ijoro 7 Ọrhẹ Ẹrhomo | Ẹmro Ọtonrhọ (Iminiti 1)
1. “Kpẹmẹ i Jehova, Fọkime Ọye Omamọ Ohworho”
(Iminiti 10)
Jerẹ oborẹ i Jehova o simi emọ Israel nẹ abọ i Babylon, omaran ọye o ji simi ọwan nẹ akpọ Echu (Ps 107:1, 2; Col 1:13, 14)
Ọdaremẹro re vwo kpahen i Jehova, o mwu ọwan jirie uvuẹn ukoko na (Ps 107:31, 32; w07-E 4/15 20 ¶2)
Erhe roro kpahen ọsoso oborẹ i Jehova o ru rẹn ọwan ne, ọdaremẹro re vwo kpahiẹn no kodorhọ (Ps 107:43; w15-E 1/15 9 ¶4)
2. Efe Erẹ Ẹhẹn
(Iminiti 10)
-
Ps 108:13—Arha tobọ vwiẹlẹ dede, marhẹ ene ru vwo omẹgbanhon? (w23.10 17 ¶20)
-
Me wu yono nẹ isese i Baibol ọkprughwre ọnana re wu guọlọ ta kpahen?
3. Isese i Baibol
(Iminiti 4) Ps 107:1-28 (th uyono 5)
4. Ra Tuẹn Ikuegbe Rhọ
(Iminiti 3) AGHWOGHWO KPREGEDE. (lmd uyono 1 udjoghwẹ 4)
5. Ẹrharhumu Bru
(Iminiti 4) RHARHUMU BRU ỌRẸ WU VWARE UVUẸN AGHWOGHWO KPREGEDE. Ta rẹn ohworho na kpahen ẹkwaphiẹrhotọre uyono i Baibol ọwan, ji yẹ ye ikadi ro dje kpahen uyono i Baibol ọwan. (lmd uyono 9 udjoghwẹ 3)
6. Ẹmro
(Iminiti 5) ijwyp 90—Urhomu-ẹmro: Marhẹ mi ne ru Kẹnoma Rẹn Iroro Esọsọ? (th uyono 14)
Ijoro 46
7. Ọwan a so Ijoro Kpẹmẹ i Jehova
(Iminiti 15) Ẹmro otu ine vwobọrhọ.
Ọke i Jehova o simi emọ Israel uvuẹn Urhie Red na nẹ abọ isodja itu Egypt ri vwo omẹgbanhon, oma ọ merhenren aye omamọ, aye ni so ijoro kpahen oborẹ o ru rẹn aye. (Ex 15:1-19) Ehworhare na yi tuẹn ijoro ọkpokpọ na ẹsuọ rhọ. (Ex 15:21) Jesu ọrhẹ Ilele Kristi erukaro na, i ji so ijoro jiri Osolobrugwẹ. (Mt 26:30; Col 3:16) Ọwan e dje ọdaremẹro ọwan phia rẹn Osolobrugwẹ, nyoma ra so ijoro uvuẹn uyono ukoko, emẹvwa okinhariẹ ọrhẹ emẹvwa ẹkwotọre. Jerẹ udje, ijoro na “Wẹwẹ Nobiruo Jehova,” ra ha tuẹn oghọn ọnana rhọ, a havwẹ suiẹ uvuẹn uyono ukoko nẹ avwẹ ẹgbukpe 1966 rhe ne.
Uvuẹn ekete ezẹko, ofa ọ ruẹ ehworhare rẹ aye ina so ijoro uvuẹn afiede. Ehworhare ọrhẹ emẹse ezẹko i vwe kwe so ijoro-o, nime aye e roro taghene uvwele aye ọvwọ merhen ijoro ẹsuọ-ọ. Ọrẹn karorhọ taghene ijoro ẹsuọ uvuẹn uyono ukoko ọ ha usuẹn ogame ra ha rẹn i Jehova. Ukoko i Jehova ọ wian gbanhan na sabu mwuegbe ijoro ra na so uvuẹn uyono ukoko. Oborẹ a guọlọ mie ọwan yẹ ọrẹ ọwan ine dje ẹguọlọ ọrhẹ ọdaremẹro ọwan phia rẹn Ọsẹ ọwan obẹ odjuwu, nyoma re ne kwomakugbe imizu ọwan so ijoro.
Kporo IVIDIO na Ikuegbe Ukoko Ọwan Ro Riobarorhọ—Ẹghẹlẹ Ijoro, Obọrẹ Eva. Orho ru gba nọ otu na:
-
Emru kirighwo ọgo yọ phiare uvuẹn ẹgbukpe 1944?
-
Marhẹ imizu ọwan uvuẹn i Siberia i ru djephia taghene aye i vwo ẹguọlọ kpahen ijoro ukoko na ẹsuọ?
-
Mesoriẹ ijoro ẹsuọ ọghanren omamọ rẹn Iseri Jehova?
8. Uyono i Baibol Ọrẹ Ukoko
(Iminiti 30) lfb uyono 68
