ENYERẸN ILELE KRISTI

Ha Userhumu Rẹn Ihworho ri Vwe Riẹ Ẹga nẹ Aye i Rhe Ọmemama Aye

KPORIE

Ofẹn o mwuo wu ne ghwoghwo rẹn eri vwe riẹ ẹga nime we roro taghene aye i kerhọ-ọ? Orho rhiẹ omaran, karorhọ taghene ihworho buebun ri vwe riẹ ẹga, tobọ te eri vwe vwo imwẹro taghene Osolobrugwẹ o nyerẹn i me rhiẹ Iseri Jehova ne. Ọgbọ buebun, ibiẹ userhumu ya yẹrẹ aye nẹ aye i sabu mẹrẹn ekwakwa ri djerie phia taghene Osolobrugwẹ o nyerẹn.—Ro 1:20; 10:14.

NI IVIDIO NA KARORHỌ, ERI VWE VWO ESEGBURHOMẸMRO INA SABU VWO ESEGBURHOMẸMRO!—ERE VWE RIẸ ẸGA, ORHO RU GBA KPAHENRHỌ ONỌ ỌNANA:

Marhẹ ikuegbe i Tommaso o ru ha userhumu wẹn ha ukẹro ro serhọ ni owian re ghwoghwo rẹn eri vwe riẹ ẹga?

Ẹkpahenrhọ ọnọ

Oborẹ ene ruie lele

Orhianẹ ohworho ọ ta wẹn taghene o vwo imwẹro kpahen Osolobrugwẹ-ẹ, ha izede esiri ọrhẹ ona dje ọdamẹ kpahen oborẹ o vwẹruọ ye ọrhẹ iroro yi. (2Ti 2:24) Gba ta kpahen irhomu-ẹmro ri ne je ọravwọ. O vwo omwemẹ rọ nọ ta kpahen oborẹ o mwu ihworho buebun vwo imwẹro kpahen Ọmemama? Orho rhiẹ omaran, gba ha ẹbe ọrhẹ ividio ri ta kpahen urhomu-ẹmro na ruiruo. A ha ibroshọ na Was Life Created? ọrhẹ The Origin of Life—Five Questions Worth Asking ba Ekwakwa ra ha Yono Ihworho ne, neneyo ọ phẹrẹ ẹmẹrẹn.

Ọke ukaro, ofẹn ọnọ sabu mwuo wu ne ghwoghwo rẹn ohworho ro vwo vwo imwẹro kpahen Osolobrugwẹ. Wu na sabu nekpẹn userhumu mie oghwoghwẹmro rọ tẹn ona. Ọrhọ tobọ rhianẹ ọke ukaro aye e vwo imwẹro kpahen Osolobrugwẹ-ẹ, karorhọ taghene i Jehova ọnọ sabu hobọte ọmudu ihworho ri vwo omamọ ẹhẹn.—Ac 13:48.

ỌBE-OWIAN UYONO AKPENYERẸN ỌRHẸ IRUO UVIE NA