ENYERẸN ILELE KRISTI
Ekpako ra Wian Fọkiẹ Erhumu Ihworho Osolobrugwẹ
Ihworho buebun i vwa hẹroso ihworho ri vwo ẹrhẹ inyenana-a. E vwẹruọ oborẹ ọsoriẹ. Nime o jiri ne rẹ ihworho a ha omẹgbanhon aye ruiruo izede rọ sọre. (Mic 7:3) Ọ merhoma re rhe taghene e yono ekpako ri ha ukoko na nẹ aye i ha omẹgbanhon aye wian fọkiẹ erhumu ihworho i Jehova.—Es 10:3; Mt 20:25, 26.
Ekpako i vẹnẹ ihworho ri vwo ẹrhẹ uvuẹn akpọ na, nime ekpako a ga ẹrhẹ iniruo fọkime aye i vwo ẹguọlọ kpahen i Jehova ọrhẹ ihworho yi. (Joh 21:16; 1Pe 5:1-3) Nyoma ọkpọvi Jesu, ekpako a ha userhumu rẹn oghwoghwẹmro owuowu vwo ẹhẹn ro totọre ji tiẹkẹrẹ i Jehova. Aye e kiki ha urhebro rẹn imizu ukoko na ji ha userhumu phia orhianẹ ohworho o kpomẹ yanghene oghwọghọ kpregede ọ phiare. Wu rha guọlọ userhumu, gba damoma se ọkpako owu uvuẹn ukoko ọnọ.—Jas 5:14.
NI IVIDIO NA ISUINGEGEDE RA HẸROTE IGEGEDE NA, ORHO RU GBA KPAHENRHỌ ENỌ ENANA:
-
Marhẹ i Mariana o ru mẹrẹn erere nẹ userhumu ekpako na i yẹriẹ?
-
Marhẹ Elias o ru mẹrẹn erere nẹ userhumu ekpako na i yẹriẹ?
-
Marhẹ idje enana i ru hobọte ukẹro wa ha ni ewian ekpako na?