Ẹgbukpe 2023 ọ ghwai tonrhọ obọ, ọwan ephian i fiẹrorhọ taghene ekwakwa ine rhomu rẹn ọwan ọrhẹ ekrun ọwan. Mesoriẹ ene vwo ifiẹrorhọ kpahen obaro na?

 Baibol na o vwo omamọ iyẹnrẹn taghene ebẹnbẹn ra dẹrughwaroghwẹ vwana, ọrẹ ibiọke ro no toba phẹrẹkpẹ. Itiọrurhomẹmro, a ya i Baibol na “nọ yẹ ọwan ọkpọvi, neneyo nyoma. . . urhebro ro nẹ Eyaya Ọfuanfon na rhe, ọwan ina sabu vwo ifiẹrorhọ.”—Romans 15:4

•   Wu rha guọlọ yono rhọ kpahen ive i Baibol na, se urhomu-ẹmro na “A Real Hope for a Better Tomorrow.”

 Ifiẹrorhọ i Baibol na ọ họhọ “ọtan harẹn arhọ ọwan.” (Hebrews 6:19, ekete ra djokarhọ) Ifiẹrorhọ na ọnọ sabu ru ọwan gbanhon. Ọnọ sabu sa ọwan erhumu nyerẹn ghele ebẹnbẹn ọwan vwana, vwo iroro ro serhọ, ji vwo omamerhomẹ rọ nọ tọ. Jerẹ udje:

•   Djokarhọ oborẹ ifiẹrorhọ i Baibol na, o ru ha userhumu rẹn ọhworhare owu fi orharhere uruemru ro kpokpie kparobọ. Ni ividio na Oborẹ Mie Nyerẹn Akpọ Mẹ Lele No Mo Nu Mẹ Ọhọ.

•   Djokarhọ oborẹ ifiẹrorhọ i Baibol na ono ru ha userhumu wẹn, orhianẹ ohworho wu vwo ẹguọlọ kpahen o hwuru. Ni ividio na Urhebro Harẹn Ere Mwuomarhọ.

 Ihworho buebun e fiẹrorhọ taghene emamọ ekwakwa ina phia, ọrẹn aye e vwo imwẹro sẹ oborẹ aye i fiẹrorhọ na ọnọ ghini phia-a. Ọrẹn, ive i Baibol na ọ vẹnẹren. Mesoriẹ? Fọkime Jehova Osolobrugwẹ a ọvo “rọ vwọ mọrenfian,” yo vive na. (Titus 1:2) Jehova ọvo yo vwo omẹgbanhon rọ nọ ha ive yi ephian te orugba; ọnọ sabu ruẹ ‘kemru kemru rọ guọlọre.’—Psalm 135:5, 6.

 Ame i ha use wẹn ne wu mẹrẹn erere nẹ ifiẹrorhọ i Baibol na ra hẹrosua. Wu na sabu ruẹ ifiẹrorhọ na gbanhon, nyoma wu na “dabu ni Eyaya Ọfuanfon na sua.” (Acts 17:11) Wu na sabu ru ọnana, nyoma wu ne rhiabọ dede uyono i Baibol rẹ ohworho ọnọ ha userhumu wẹn ru. Tuẹn ẹgbukpe 2023 rhọ rhẹ ẹhẹn ifiẹrorhọ!