Uvwre i July 2022, iyẹnrẹn o djephia taghene aruọke na ọ djẹrẹ rhọ ne uvuẹn akpọ na ephian:

•   “Uvuẹn ẹkwotọre i China, na ha orhetio phia taghene ọdjedjẹrẹ ọgbogbanhon ọ samọ homaphia ọgbọreva ye, uvuẹn emwa ri joma te 70.”—July 25, 2022, CNN Wire Service.

•   “Fọkiẹ aruọke na rọ djẹrẹ phan uvuẹn Europe, ọnana nọ lẹrhẹ erhanren torhẹ egbo buebun.”—July 17, 2022, The Guardian.

•   “Uvuẹn Sunday, aruọke na nọ djẹrẹre omamọ vrẹn oborẹ ọ havwọ uvuẹn emwa ezẹko uvuẹn United States, ọnana ọ ji hobọte ere rhirhiẹ obọrẹ ọren ọ va nẹ sa, ọrhẹ ekete ezẹko uvuẹn obọrẹ o riotọre ọrhẹ obọrẹ ọren o se gbe.”—July 24, 2022, The New York Times.

 Me yẹ ekwakwa enana ephian i mevirhọ? Otọrakpọ na orho jẹ erhirhiẹ? Me yi Baibol na ọ tare?

 Ee. Aruọke ọdjedjẹrẹ o surhobọmwu ekwakwa ri Baibol na ọ mẹraro kpahen, ri na phia uvuẹn ọke ọwan na. Jerẹ udje, Jesu ọ mẹraro taghene ana mẹrẹn “ekwakwa ri mwuofẹn,” yanghene “ekwakwa ra vwa ji mẹrẹn dẹ, ra suẹ ofẹn.” (Luke 21:11; Good News Translation) Fọkiẹ aruọke na rọ djẹrẹ rhọ djẹrẹ rhọ, ihworho buebun na zofẹn taghene otọrakpọ na orho jẹ erhirhiẹ obaro na-a.

 Ee. Osolobrugwẹ ọ ma otọrakpọ na nẹ ituakpọ i rhirhiẹ ye bẹmẹdẹ. (Psalm 115:16; Ecclesiastes 1:4) Ukperẹ ọnọ ha uphẹn rẹn ituakpọ nẹ aye i ghwọghiẹ, ọnọ “ghwọghọ era ghwọghọ otọrakpọ na,” jerẹ oborẹ o veri.—Revelation 11:18.

 Roro kpahen aruẹmẹrẹn eva ọvo, ri dje oborẹ Osolobrugwẹ o ji vive kpahen ne:

•   “Ato na ọrhẹ otọre ọkaka na ina ghọghọ, ato na ọnọ ghọghọ ji homaphia gbidigbidi jerẹ idodo re se i saffron.” (Isaiah 35:1) Osolobrugwẹ o kwe na ghwọghọ otọrakpọ na, te erhirhiẹ ra na ja sabu rhirhiẹ ye-e, ukpomaran, ọnọ kwaphiẹ ekete ra ghwọghọre uvuien.

•   “Wu na hẹrote otọrakpọ na, ne wu ne ruie no rhomu emaren ji dabu rhomu.” (Psalm 65:9) Nyoma ebrurhọ i Jehova, otọrakpọ na no no rhiẹ i Paradais.

 Wu rha guọlọ yono rhọ kpahen oborẹ aruọke na ro wene o ru ha aruẹmẹrẹn i Baibol te orugba, se urhomu-ẹmro na “Climate Change and Our Future—What the Bible Says.”

 Wu rha guọlọ yono rhọ kpahen ive i Baibol na kpahen otọrakpọ ra kwaphiẹ ne, se urhomu-ẹmro na “Who Will Save the Earth?”