Uvuẹn iyẹnrẹn ri World Health Organization (WHO), o tiobọnu uvuẹn May 23, 2022, ihworho ri te Iduduru 6.27 yẹ Emiamo i COVID-19 o Kpe ne. Ọrẹn, uvuẹn iyẹnrẹn ọrọrọ ri WHO o tiobọnu uvuẹn May 5, 2022, aye i tare taghene uchunu ihworho rẹ emiamo na o kpe ne o bun ghwẹ ọrana omamọ. Iyẹnrẹn na ọ tare taghene uvwre ẹgbukpe 2020 ọrhẹ 2021, “ihworho re emiamo i COVID-19 ọ nyoma izede owu yanghene ọrọrọ kpe ne, . . . emrẹ iduduru 14.9.” Baibol na ọ tẹmro owuorowu kpahen aruẹ iyẹnrẹn enana, ra lẹrhẹ ọmudu na seriotọre?

•   Jesu ọ mẹraro taghene aruẹ emiamo “egbogbanhon sansan,” ina homaphia uvwre “ẹdẹ ri koba na.”—Luke 21:11, Contemporary English Version; 2 Timothy 3:1.

 Aruẹmẹrẹn i Jesu o ruẹgba inyenana. Wu rha guọlọ yono riarorhọ, se urhomu-ẹmro na “What Is the Sign of ‘the Last Days,’ yanghene ‘End Times’?“

•   “Osolobrugwẹ urhebro ephian . . . ọ ha urhebro rẹn ọwan uvuẹn edamuni ọwan ephian.”—2 Corinthians 1:3, 4.

 Ihworho buebun rẹ erẹ aye i vwo ẹguọlọ kpahen i hwuru, i mẹrẹn urhebro nẹ urhomedje i Baibol na ne. Yono riaro rhọ uvuẹn irhomu-ẹmro na, “Coping With Grief—What You Can Do Today” ọrhẹ “The Best Help for Those Who Grieve.”

•   “Jenẹ Uvie ọnọ rhe. Jene ru ọhọre ọnọ uvuẹn otọrakpọ na jerẹ oborẹ e ruie obẹ odjuwu.”—Matthew 6:10.

 Phẹrẹkpẹ “Uvie Osolobrugwẹ” ono tiẹ emiamo nie, ọke ọrana “orho vwo ọrọ nọ ta taghene: ‘Mie kpomẹ-ẹ.’” (Mark 1:14, 15; Isaiah 33:24) Ni ividio na Me yẹ Uvie Osolobrugwẹ? ne wu sabu rhe kpahen Uvie odjuwu ọnana, ọrhẹ oborẹ ono ru rẹn ituakpọ.

 Ame i ha use wẹn ne wu yono riarorhọ kpahen oborẹ i Baibol na ọ tare, neneyo wẹwẹ ọrhẹ ekrun ọnọ i sabu mẹrẹn erere, nẹ urhebro ẹghwanren ọrhẹ obọdẹn ive ri ha uvuien.