Baibol na o vwo ẹghwanren rọ mai rhomu kparobọ ra na ha nyerẹn akpọ. Wu rhe se ji roro kpahen oborẹ wu seri, jeghwai ha oborẹ wu yonorin na ruiruo, ‘izede enọ ni ne serhọ.’ (Joshua 1:8; Psalm 1:1-3) Ne wu ne ji rhe Osolobrugwẹ ọrhẹ Ọmọyen Jesu, irherhe ọrana ọnọ sabu yọ usimi.—John 17:3.

Marhẹ wu ne se ẹbe i Baibol na lele? Wu vwo odjẹ. Ẹkwaphiẹrhotọre isese i Baibol ọnana ọnọ ha userhumu wẹn se ẹbe i Baibol na oborẹ aye i homaphia lele yanghene urhomu-ẹmro aye a homaphia. Jerẹ udje wu na sabu sanọ ekete ezẹko se, ne wu sabu rhe oborẹ Osolobrugwẹ ọrhẹ emọ Israel i ru lele. Wu na sabu se ekete erọrọ ne wu rhe oborẹ ukoko Ilele Kristi erukaro o ru tonrhọ jeghwai do lele. Wu rhe se urhomu-ẹmro owu kẹdẹkẹdẹ, wu na sabu se ọsoso i Baibol na hin uvuẹn ẹgbukpe owu.

Sẹ wa guọlọ ẹkwaphiẹrhotọre isese i Baibol ọrẹ i kẹdẹkẹdẹ, ẹgbukpe owu, yanghene ẹkwaphiẹrhotọre harẹn ihworho ra tuẹn i Baibol na e se rhọ obọ, ẹkwaphiẹrhotọre ọnana ọnọ ha userhumu wẹn. Danlodu ẹkwaphiẹrhotọre Isese i Baibol, ọnana, ne wu tonrhọ inyenana.