Uvuẹn May 19, 2022, United Nations Security Council ni rhonmie ihworho ri te emrẹ awan 75 ri ha ẹrhẹ ọduado, aye ni tare taghene fọkiẹ “emiamo i COVID-19, aruọke na ro wene, ọrhẹ uvweri re fiẹ obẹ i Ukraine, emaren ẹkanren ọnọ sabu homaphia uvuẹn akpọ na ephian.” O jiri-i, ọbe iyẹnrẹn na The Economist nọ tare taghene “fọkiẹ uvweri na, orhọmo nọ samọ gbanhonrhọ uvuẹn akpọ na ephian.” Baibol na ọ mẹraro taghene, aruẹ emaren ẹkanren ọnana ọnọ homaphia uvuẹn ọke ọwan na, ọrẹn ọ ji yẹ ọwan irorẹdjẹ ri na ha userhumu rẹn ọwan.

•   Jesu nọ mẹraro: “Agbamwa ọnọ kparehaso agbamwa, uvie ọnọ haso uvie, emaren ina kanren.”—Matthew 24:7.

•   Ọbe i Revelation o dje udje kpahen awan ẹne ra ghwa esi. Owu usuẹn aye o mevirhọ uvweri. Ọrọ ghwa lelie o mevirhọ orhọmo, nọyẹ ọke ra na ja mẹrẹn emaren, ọrhẹ ọke emaren ina ghanren omamọ. “Ni mi mẹrẹn esi obiebi, ohworho rọ ghwa ye o vwo ovwanvwọn rhẹ obọ ye owu. Ni mi rhon oborẹ ọ họhọ uvwele . . . Rọ tare: ‘Uchunu igho ikilo i wheat owu yẹ denarius owu, uchunu igho ikilo esa i barley jẹ denarius owu.’”—Revelation 6:5, 6, Contemporary English Version.

 Aruẹmẹrẹn i Baibol enana kpahen emaren ẹkanren e ruẹgba vwana, ro rhiẹ ọke ri Baibol na o seri “ẹdẹ ri koba na.” (2 Timothy 3:1) Wu rha guọlọ yono kpahen “ẹdẹ ri koba na” rhọ, ọrhẹ ihworho awan ẹnẹ ra ghwa esi ri Revelation ọ mẹraro kpahen, ni ividio na Akpọ na o Wene ne Avwẹ Ẹgbukpe 1914 Rhe, ji se urhomu-ẹmro na “The Four Horsemen—Who Are They?”

•   Baibol na o vwo urhebro ri na ha userhumu rẹn ọwan kẹdẹkẹdẹ nyerẹn ghele erhirhiẹ egbogbanhon, tobọ te emaren ri ghanranren ọrhẹ emaren ẹkanren. Se kpahiẹn uvuẹn urhomu-ẹmro na, “How to Live on Less.”

•   Baibol na ọ ji yẹ ọwan ifiẹrorhọ taghene ekwakwa ine serhọ obaro na. O vive kpahen ọke rẹ “emaren ono gbephe uvuẹn akpọ na,” ọke ọrana, ihworho ephian ina riẹ evwan vuọn. (Psalm 72:16) Wu rha guọlọ yono rhọ kpahen ifiẹrorhọ ri Baibol na o tiobọnu kpahen obaro na, ọrhẹ oborẹ ọsoriẹ o fo ne wu hẹrosuiẹ, se urhomu-ẹmro na “A Real Hope for a Better Tomorrow.”