Uvuẹn January 27, 2023, ihworho buebun na riorẹ re se International Holocaust Remembrance Day. Ekwakwa ibiobiomu ri phiare emrẹ ẹgbukpe rọ vrẹn 75 ne, ọnọ sabu rha lẹrhuọ roro kpahen oborẹ ọsoriẹ Osolobrugwẹ o kwe ne kpe ihworho ri bun te omaran.

•   Wu rha guọlọ rhe oborẹ i Baibol na ọ ta kpahiẹn, se urhomu-ẹmro na “Why Did the Holocaust Happen? Why Didn’t God Stop It?”

 Itu i Jew i rioja omamọ uvwrọke re kpe aye buebun hwu. Iduduru ihworho ya ha arudo kpe hwu. A ji ha oja riẹ ẹko erọrọ, ọke oru, ne kpe rẹ aye hwu. Iseri Jehova i ha usuẹn aye, a kparehaso aye fọkiẹ imwẹro i Baibol aye i vwori.

•   Wu rha guọlọ yono rhọ, se urhomu-ẹmro na “What Happened to Jehovah’s Witnesses During the Time of the Holocaust?”

 Ihworho buebun a zofẹn taghene ana ji sabu rharhumu kpe ihworho buebun jerẹ oborẹ e ru vrẹn ne. Ọrẹ omamerhomẹ, Baibol na o veri taghene aruẹ ekwakwa omemwurhọ enana i rha phia obaro na-a.

•   Jehova nọ tare, “‘Mi dabu rhe oborẹ mie roro kpahen are, mi na yẹ are ufuoma ukperẹ ono rhiẹ ukpokpogho, ji yẹ are omamọ obaro akpọ kugbe ifiẹrorhọ.’”—Jeremiah 29:11. a

 Ive ọnana ono te orugba ọke i Jehova Osolobrugwẹ o tiẹ ọkon nie ne ji kwaphiẹ akpọ na rhọ ne. Phẹrẹkpẹ:

•   Ọnọ ghwọghọ evwọkon na ra ha ẹkuọn rẹn awọrọ.—Proverbs 2:22.

•   Ono tiẹ ihworho ephian nẹ abọ oja.—Revelation 21:4.

•   Ọnọ rhọmọ eri hwu ne rhiẹ akpọ.—John 5:28, 29.

 Wu na sabu hẹroso obọdẹn ive ọnana. Wu rha guọlọ yono rhọ, ame i ha use wẹn ne wu rhiabọ dede uyono i Baibol rẹ ohworho ọnọ ha mwu wẹn.