Ihworho buebun e nie taghene aruẹ ihworho sansan i sabu nyerẹn kugbe-e.

•   “Uruemru re nẹ awan ruẹ fọkiẹ ekete re nurhe, ọ vuọn isukuru, ekete iruo, ọrhẹ ekete erọrọ uvuẹn akpọ na. Fọkiẹ ọnana nọ bẹn rẹ aruẹ ihworho sansan e nyerẹn kuẹgbe.”—António Guterres, UN Secretary-General.

 Aruẹ ihworho sansan ine ghini sabu nyerẹn kugbe? Me yi Baibol na ọ tare?

 Baibol na o dje kpahen aruẹ ukẹro rẹ Osolobrugwẹ ọ ha nẹ ihworho ri nẹ ekete sansan rhe.

•   “[Osolobrugwẹ] nọ nyoma ọhworhare owu ma egbamwa ephian, nẹ aye i rhirhiẹ ọsoso otọrakpọ na.”—Acts 17:26.

•   “Osolobrugwẹ o vwo ni ohworho ruẹ-ẹ, ọrẹn, kohworho kohworho rọ zofẹn yen jeghwai ru oborẹ ọgbare uvuẹn egbamwa na ephian yo rhiabọ dede.”—Acts 10:34, 35.

 Baibol na o djephia taghene ituakpọ ephian imizu, habaye Osolobrugwẹ o rhiabọ dede aruẹ ihworho ephian.

 Uvie Osolobrugwẹ ọvo ro rhiẹ igọmẹti rọ ha obẹ odjuwu, yọ nọ sabu lẹrhẹ aruẹ ihworho sansan nyerẹn kugbe. Usun ọrana ono yono ihworho nẹ aye i rha ha ukẹro ro serhọ ni awọrọ. Ihworho ine yono oborẹ e dje ẹguọlọ phia, ukperẹ ono rhiẹ uruemru re nẹ awan ruẹ.

•   “Ihworho re rhirhiẹ otọre na [ni] ne yono kpahen oborẹ irueruo ọvwata o mevirhọ.”—Isaiah 26:9.

•   “Erere obọdẹn irueruo ọsoso ono rhiẹ ufuoma, habaye, omamọ ọrẹ irueruo ọsoso ono rhiẹ ufuoma ọrhẹ omefuon rọ nọ tọ.”—Isaiah 32:17.

 Inyenana, ihworho buebun e yono nẹ uvuẹn i Baibol na sa, kpahen oborẹ aye ine ru lele awọrọ nyerẹn kugbe izede ọghọ.

•   Wu rha guọlọ yono rhọ, se Awake! ro vwo urhomu-ẹmro na, “Is There a Cure for Prejudice?”

•   Se urhomu-ẹmro na, “Talking to Children About Racism” ne wu sabu rhe oborẹ emiemọ ine ru ha urhomu-ẹmro ọnana ruiruo uvuẹn ekrun aye.