Jerẹ oborẹ uvweri re fiẹ obẹ i Ukraine o djephia ne, ilori ẹga buebun a ji hobọtua uvweri. Djokarhọ oborẹ ilori ẹga i ru hobọtua ẹkwotọre eva re fiuvweri na:

•   “Ame i ha ekpẹmẹ ọrhẹ ujiri rẹn egba owọnren ame ra wọnrọn chochọn ẹkwotọre ame Ukraine . . . Ọnana ọ darẹ ame ẹro, ame a ji nẹrhomo rẹn aye, ji hobọtua aye ọke ephian.”—Metropolitan Epiphanius I ọrẹ Kyiv, jerẹ oborẹ a nẹ iyẹnrẹn yen rhẹ The Jerusalem Post, March 16, 2022.

•   “Olori ẹga ọrẹ ishọshi Orthodox obẹ i Russia, o ruẹ ẹkwaphiẹrhotọre nẹ isodja i Russia i vwoma i Sọnde uvuẹn ishọshi, nọ ha urhebro rẹn aye nẹ aye i dabu wọnrọn chochọn ẹkwotọre na, ‘fọkime ẹkwotọre i Russia ọvo,’ yọ nọ sabu fikparobọ hasuẹ Ukraine.”—Reuters, April 3, 2022.

 O fori nẹ Ilele Kristi vwobọrhọ uvweri? Me yi Baibol na ọ tare?

 Baibol na o djephia taghene Ilele Kristi urhomẹmro i vwe vwobọrhọ uvweri-i.

•   “Fi odan ọlọkọ ọnọ rhẹ ekete rọ havwọ bi, fọkime ihworho ri ha odan ọlọkọ wọnrọn, aye ine hwuo nyoma odan ọlọkọ.”—Matthew 26:52.

   Ohworho ro fiuvweri yanghene chochọn ere fiuvweri, ọ ghini huvwele ẹmro i Jesu?

•   “Mia yẹ are akama ọkpokpọ, nẹ are i vwo ẹguọlọ kpahen owuowọnwan; jerẹ oborẹ mi vwo ẹguọlọ kpahen are, are i ji vwo ẹguọlọ kpahen owuowọnwan. Nyoma ọnana, ihworho ephian ine rhe taghene are idibo mẹ—are i rhe vwo ẹguọlọ kpahen omomare.”—John 13:34, 35.

   Ohworho rọ hobọtua ere fiuvweri, o ghini dje aruẹ ẹguọlọ ro no djephia taghene ohworho odibo i Jesu?

 Wu rha guọlọ rhe iyẹnrẹn erọrọ, se urhomu-ẹmro na “Is War Compatible With Christianity?”

 O dje ọhọ phia nẹ Ilele Kristi kẹnoma rẹn uvweri inyenana? Ee. Baibol na ọ mẹraro taghene uvuẹn ọke re seri “ẹdẹ ri koba na,” ihworho buebun ine nẹ egbamwa ephian rhe, aye i rhe “yono uvweri ghwomara-an,” ọnana o serhọ rhẹ oborẹ i Jesu o yonorin.—Isaiah 2:2, 4, ekete ra djokarhọ.

•   Wu rha guọlọ rhe iyẹnrẹn erọrọ, se irhomu-ẹmro Oghwa Odẹrẹ na “How Does God View War?”

 Phẹrẹkpẹ, Jehova ro rhiẹ a “Osolobrugwẹ ufuoma,” ọnọ ha Uvie yi obẹ odjuwu tiẹ ihworho nẹ abọ “osehiẹn ọrhẹ ozighi.”—Philippians 4:9; Psalm 72:14.

•   Wu rha guọlọ rhe oborẹ ono ruie lele, ni ividio na Me yẹ Uvie Osolobrugwẹ?