Uvuẹn May 24, 2022, emru omemwurhọ nọ phiare uvuẹn amwa ọkokamu owu re se Uvalde, rọ ha Texas, U.S.A. Lele oborẹ ọbe iyẹnrẹn na The New York Times ọ tare, “ọhworhare owu ọ ha okpoghọ kpe emọ isukuru awan 19 ọrhẹ iyono awanva . . . uvuẹn Robb Elementary School.”

 Ọrẹ omemwurhọ, aruẹ ekwakwa ibiobiomu enana a phia ọke ephian. Ọbe iyẹnrẹn na USA Today ọ tare taghene uvuẹn ẹkwotọre i United States ọvo, “isukuru ri te 249 ye kpe ihworho ẹgbukpe ro rieri na—avwẹ ẹgukpe 1970 rhe, ẹgbukpe ro rieri na, yẹ aruẹ emru ọnana ọ mai phia bun ne.”

 Mesoriẹ ekwaka ibiobiomu enana a phia? Marhẹ ene ru nyerẹn ghele aruẹ irueruo ọkon enana? Ifiẹrorhọ owuorowu ọ havwiẹ taghene ozighi na ono toba? Baibol na ọ kpahenrhọ enọ erana.

•   Baibol na o dje ọke ọwan na rhẹ “ẹdẹ ri koba,” ro rhiẹ ọke ihworho ine ja “damerhọ awọrọ” ọrhẹ ọke aye ina “djoma,” ro mevirhọ taghene aye ine rhe ruẹ ekwakwa ibiobiomu. Ere ruẹ irueruo enana, ine “biomurhọ biomurhọ.” (2 Timothy 3:1-5, 13) Wu rha guọlọ yono riarorhọ, se urhomu-ẹmro na “Did the Bible Predict the Way People Think and Act Today?”

 Ihworho buebun e roro, ‘Mesoriẹ Osolobrugwẹ o vwo ruie, neneyo ekwakwa ibiobiomu jerẹ ekpọghọ ra sa uvuẹn isukuru i ja rha phia?’ Ne wu sabu mẹrẹn ẹkpahenrhọ i Baibol na, se urhomu-ẹmro na “Bad Things Happen to Good People—Why?”

•   “Ọsoso ekwakwa ra ya rhotọre, a yariẹ nọ yẹ ọwan ọkpọvi, neneyo . . . nyoma urhebro ro nẹ Eyaya Ọfuanfon na rhe, ọwan ina sabu vwo ifiẹrorhọ.”—Romans 15:4.

 Iruemru-urhi Baibol, ina sabu ha userhumu wẹn nyerẹn ghele irueruo ozighi ra phia uvuẹn akpọ ọnana. Wu rha guọlọ rhe iyẹnrẹn erọrọ, se Awake! ro vwo urhomu-ẹmro na “Will Violence Ever End?”

 Wu rha guọlọ irorẹdjẹ ri na ha userhumu rẹn emiemọ yono emọ aye nẹ aye i nyerẹn ghele aruẹ iyẹnrẹn erana, se urhomu-ẹmro na “Disturbing News Reports and Your Children.”

•   “Ono simi aye nẹ osehiẹn ọrhẹ ozighi.”—Psalm 72:14.

•   “Aye ine dumu odan ọlọkọ aye rhiẹ ikwro, jeghwai dumu egiọ aye rhiẹ egbage. Agbamwa ọrhọ kpare ọdan ọlọkọ suẹ agbamwa-a yanghene yono oborẹ e fiuvweri ghwomara-an.”—Micah 4:3.

 Osolobrugwẹ ono ruẹ oborẹ ituakpọ ina ja sabu ru. Uvie yi obẹ odjuwu ọnọ ghwọghọ ekwakwa owọnren ephian, ji fiobarhọ ozighi. Wu rha guọlọ yono riarorhọ kpahen oborẹ Uvie Osolobrugwẹ ono ruo, se urhomu-ẹmro na “Under God’s Kingdom ‘Peace Will Abound.’”