Ugudurhiọke i February 24, 2022, Russia ni kparẹ owọnren riẹ Ukraine, udabọ omẹdamo ere suẹn akpọ na ina kẹnoma rẹn uvweri. Marhẹ uvweri ọnana ọnọ hobọte akpọ na lele? Ẹdẹ ezẹko ri vrẹnren na, ọhworhare owu re se António Guterres, ro rhiẹ secretary-general harẹn Okugbe Egbamwa na ọrhọ ta: A sabu roro kpahen oborẹ ojẹriọ ituakpọ, oghwọghọ ọrhẹ ẹghwọghọ ẹkwotọre Europe ọrhẹ akpọ na ọnọ rhua rhe-e.

•   Jesu Kristi ọ mẹraruiẹ rhotọre taghene “agbamwa ọnọ kparehaso agbamwa, uvie ọnọ haso uvie.” (Matthew 24:7) Se urhomu-ẹmro na “What Is the Sign of ‘the Last Days,’ or ‘End Times’?” ne wu mẹrẹnvwrurhe taghene aruẹmẹrẹn i Jesu ye ruẹ gba inyenana, lele oborẹ i Baibol na ọ tare.

•   Ọbe i Revelation ọ ha uvweri ha dje ohworho rọ zẹ ise ro siyẹ oberun esi ro vwo “ugboma ọbobare” rọ jeghwai ha “ufuoma nẹ akpọ na.” (Revelation 6:4) Se urhomu-ẹmro na “The Four Horsemen—Who Are They?” ne wu mẹrẹn oborẹ aruẹmẹrẹn ọnana o ru surhobọmwu uvweri rọ homaphia inyenana.

•   Ọbe i Daniel ọ mẹraro kpahen omesimo uvwre “orodje obọrẹ o rierun” ọrhẹ “orodje obọrẹ o riotọre.” (Daniel 11:25-45) Ni ividio na Fulfilled Prophecy—Daniel Urhomu-ẹmro 11 ne wu mẹrẹn oborẹ ọ soriẹ a ta taghene Russia ọrhẹ era hobọtua ye yẹ orodje obọrẹ o rierun na.  a

•   Ọbe Revelation ọ ji ta kpahen “uvweri ẹdẹ rode Osolobrugwẹ Ọrọmaigbanhon na .” (Revelation 16:14, 16) Ọrẹn ọnana rhẹ ọrẹ ọnọ homaphia uvwre egbamwa jerẹ oborẹ a mẹrẹn inyenana-a. Se Urhomu-ẹmro na “What Is the Battle of Armageddon?” ne wu yono riaro rhọ kpahen ekwakwa ri na phia obaro na.

•   Baibol na ọ tare taghene Osolobrugwẹ “ono fioba rhẹ uvweri uvuẹn otọrakpọ na ephian.” (Psalm 46:9) Se urhomu-ẹmro na “A Real Hope for a Better Tomorrow” ne wu yono riaro rhọ kpahen ive Osolobrugwẹ kpahen obaro na.

•   Jesu ọ ta rẹn idibo yi nẹ aye nẹrhomo nẹ Uvie Osolobrugwẹ ọ rhe. (Matthew 6:9, 10) Uvie ọrana yẹ usun ro no nẹ obẹ odjuwu rhe rọ nọ ha ọhọre Osolobrugwẹ kpahen otọrakpọ na torugba, ọnana o ji surhobọmwu ufuoma ro no gbephe uvuẹn ọsoso akpọ na. Ne wu sabu yono kpahen erere wu na mẹrẹn nẹ Uvie na rhe, ni ividio na Me Yẹ Uvie Osolobrugwẹ?

 Iseri Jehova ri ha Ukraine i vrẹn 129,000. Jerẹ Iseri Jehova ri ha ẹkwotọre erọrọ, aye a hẹrokele Jesu nyoma ọrẹ aye i vwe vwo vwobọ rhọ usun oseghe ọrhẹ uvweri. (John 18:36) Iseri Jehova e ghwoghwo lele ọsoso akpọ na taghene “iyẹnrẹn esiri Uvie” yẹ oborẹ ọnọ sabu ha ebẹnbẹn ituakpọ ọrhẹ uvweri toba. (Matthew 24:14) Biko nekpẹn Iseri Jehova ne wu yono kpahen urhomu-edje i Baibol na kpahen ifiẹrorhọ riaro rhọ.