Ihworho buebun re se oma aye Ilele Kristi uvuẹn akpọ na, a ha agbagba ruiruo uvuẹn ogame aye. Dedevwo Iseri Jehova Ilele Kristi, ọrẹn ame i vwa ha agbagba ruiruo uvuẹn ogame ame-e. Mesoriẹ?

 Iroro owu yẹ, Baibol na o djephia taghene Jesu o hwu rhẹ agbagba-a, ukpomaran, orhan yo hwu rhọ. Habaye, Baibol na ọ ha orhetio ọgbogbanhon rẹn Ilele Kristi taghene aye i “kẹnoma rẹn emẹgọ,” ro ji sekpahen agbagba ra ha ga ogame.—1 Corinthians 10:14; 1 John 5:21.

 Omarana, Jesu nọ tare: “Nyoma ọnana, ihworho ephian ine rhe taghene are idibo mẹ, are i rhe vwo ẹguọlọ kpahen omomare.” (John 13:34, 35) Jesu nọ haye ta taghene obọdẹn ẹguọlọ yo no dje idibo yi phia, ukperẹ ono rhiẹ agbagba, yanghene ema erọrọ.