Daawwannaa Beetel

Waajjiroota damee keenya warra Beetel jedhamanii beekaman akka daawwattu si affeerra. Waajjiroonni keenya tokko tokko agarsiisawwan daawwachiistota malee ilaalaman qabu.

Daawwannaan Deebiʼee Jalqabameera: Biyyoota hedduu keessatti Waxabajjii 1, 2023 irraa kaasee waajjiroota damee keenya deebinee daawwachiisuu jalqabneerra. Odeeffannoo dabalataa argachuuf waajjira daawwachuu barbaaddu qunnami. Maaloo Kooviid-19 yoo sirratti argame, mallattoo qufaa ykn utaalloo yoo qabaatte ykn dhiheenyatti nama Kooviid-19n qabame wajjin wal argiteetta yoo taʼe hin dhufin.

Iddoo Filadhu

Taayilaandi

Odeeffannoo Daawwannaa

Daawwachuuf dhufuu kee dura beellama qabsiisuu qabdaa? Eeyyee. Namni baayʼatee iddoon akka hin dhiphannee fi namoonni hundi daawwannaa isaaniitti akka gammadaniif, warri daawwannaadhaaf dhufuu barbaadan hundi baayʼinni isaanii hammamiyyuu yoo taʼe, dursanii beellama akka qabsiisan gaafanna.

Namni dursee beellama hin qabsiisne daawwachuu ni dandaʼaa? Daawwachuuf dursitee beellama hin qabsiisne yoo taʼe, si daawwachiisuu dhiisuu dandeenya. Bakki qabnu muraasa waan taʼeef guyyaa tokko keessatti namoota murtaaʼan qofatu daawwachuu dandaʼa.

Daawwannaa keetiif saʼaatii meeqatti gaʼuu qabda? Namni baayʼatee iddoon akka hin dhiphanneef, maaloo yeroon daawwachuuf beellama qabatte gaʼuu isaa saʼaatii tokkoo ol dursitee hin dhufin.

Daawwachuuf beellama qabsiisuu kan dandeessu akkamitti? Liinkii “Daawwachuuf Beellama Qabsiisi” jedhu tuqi.

Beellama qabsiiste jijjiiruu ykn haquu ni dandeessaa? Eeyyee. Liinkii “Beellama Kee Ilaali ykn Jijjiiri” jedhu tuqi.

Guyyaan ati daawwachuuf filatte qabamaa yoo taʼe hoo? Beellamni daawwannaa tokko tokko yeroo jijjiiraman ykn yeroo haqaman iddoon jiraachuu waan dandaʼuuf, weebsaayiticha irra deddeebiʼii ilaali.

Daawwachuuf Beellama Qabsiisi

Beellama Kee Ilaali ykn Jijjiiri

Birooshura Daawwannaa Buufadhu