Namni Tokko Amantii Dhugaa Baatota Yihowaa Keessaa Baʼuu ni Dandaʼaa?
Eeyyee. Namni tokko karaawwan lamaan jaarmiyaa keenya keessaa baʼuu ni dandaʼa:
Kallattiidhaan gaafachuudhaan. Kana booda Dhugaa Baatuu Yihowaa taʼuu akka hin barbaanne murteessuu isaa afaaniin ykn barreeffamaan ibsuu ni dandaʼa.
Gochaan. Namni tokko gocha waldaa obbolummaa addunyaa maraa keenya keessaa isa baasisu raawwachuu ni dandaʼa. (1 Pheexiros 5:9) Fakkeenyaaf, amantii kan biraa keessa seenee achi keessa turuu akka barbaadu beeksisa taʼa.—1 Yohaannis 2:19.
Namni tokko lallabuu ykn walgaʼiiwwan keessan irratti argamuu yoo dhaabe hoo? Namni sun amantii keessan akka dhiisetti ilaaltuu?
Lakki, akkasitti hin ilaallu. Amantii keenya dhiisanii baʼuun ykn nu irraa adda baʼuun karaa amantii dadhabuu wajjin tokko miti. Yeroo baayʼee, namoonni yeroo muraasaaf kan laafan ykn waaqeffannaa isaanii kan dhaaban amantii isaanii waan dhiisaniif utuu hin taʼin abdii waan kutataniifi. Namoota akkasii irraa fagaachuu mannaa, jajjabinaa fi deggersa isaaniif kennuuf yaalla. (1 Tasalonqee 5:14; Yihudaa 22) Namni sun gargaarsa kan barbaadu yoo taʼe, jaarsoliin gumii dursa fudhatanii deggersa hafuuraa isaaf kennu.—Galaatiyaa 6:1; 1 Pheexiros 5:1-3.
Haa taʼu malee, jaarsoliin namni tokko Dhugaa Baatuu Yihowaa taʼee akka itti fufu dirqisiisuuf ykn dhiibbaa irratti gochuuf mirga hin qaban. Namni kam iyyuu amantii ilaalchisee filannoo mataa isaa gochuu qaba. (Iyaasuu 24:15) Namoonni Waaqayyoon waaqeffachuu kan qaban garaa isaaniitii barbaadanii taʼuu akka qabu amanna.—Faarfannaa 110:3; Maatewos 22:37.
Kanneen Armaan Gadiis ni Jaallatta Taʼa
ITTIIN LIXA TAJAAJILAA
Dhugaa Baatonni Yihowaa Eenyu?
Namoonni baayʼeen dhugaa baatonni Yihowaa eenyu akka taʼan beekuu barbaadu. Isaanuma irraa waaʼee isaanii caalaatti beekuuf yaali.
GAAFFIIWWAN YEROO BAAYʼEE GAAFATAMAN
Dhugaa Baatonni Yihowaan Nama Duraan Miseensa Amantiisaanii Ture irraa Ni Fagaatuu?
Gumiidhaa baasuun, namni tokko qalbiisaa akka jijjiirratu gochuu waan dandaʼuuf barbaachisaadha.
DEEBII GAAFFII KITAABA QULQULLUU
Miseensa Dhaabbata Amantii Tokkoo Taʼuun Barbaachisaa Dhaa?
Namni tokko dhuunfaatti Waaqayyoon waaqeffachuu ni dandaʼaa?
GAAFFIIWWAN YEROO BAAYʼEE GAAFATAMAN
Dhugaa Baatota Yihowaa Wajjin Kitaaba Qulqulluu Yoon Qoʼadhe Miseensasaanii Akkan Taʼu Narraa Eegamaa?
Dhugaa Baatonni Yihowaa addunyaa maratti namoota miliyoonaan lakkaaʼaman tola qoʼachiisu. Nu wajjin yoo qoʼatte Dhugaa Baatuu Yihowaa taʼuu qabdaa?
WAAʼEE KEENYA
Walga’ii Irratti Argami
Waa’ee walga’ii keenyaa baradhu. Galma walga’ii naannoo keetti dhihoo jiru barbaadi.