Seenaa ilmaan namootaa keessatti yeroo adda addaatti bulchitoonni addunyaa saba Yihowaa gargaaraniiru. (Iz 6:1-12; As 8:10-13) Bara keenyattis “lafti,” jechuunis bulchitoonni bakka adda addaatti argamanii fi hamma tokko gaarii taʼan, ariʼatama “laga” jedhamee fi Seexanni kakaasu yeroo liqimsu argineerra. (Mul 12:16) Yihowaan inni ‘Waaqa fayyisu’ taʼe, yeroo tokko tokko bulchitoota ilmaan namootaa kakaasuudhaan saba isaatiif boqonnaa akka argamsiisan gochuu dandaʼa.—Far 68:20; Fak 21:1.

Sababii amantii keetiin mana hidhaa yoo galte hoo? Yihowaan haala keessa jirtu akka ilaalu matumaa hin shakkin. (Uma 39:21-23; Far 105:17-20) Amantii argisiisteef akka eebbifamtuu fi amanamummaan ati argisiiste obboloota kee addunyaa mara irra jiran akka jajjabeessu mirkanaaʼaa taʼi.—Flp 1:12-14; Mul 2:10.

VIIDIYOO OBBOLOONNI KOORIYAA MANA HIDHAATII GADHIIFAMAN JEDHU ILAALAA, ACHIIS GAAFFIIWWAN ARMAAN GADII DEEBISUUF YAALAA:

• Obboloonni keenya Kooriyaa Kibbaa jiranii fi kumaan lakkaaʼaman waggoota hedduudhaaf hidhamaa kan turan maaliifi?

• Obboloonni keenya tokko tokko akka hiikaman kan taasise murtoon akkamii kennamuu isaa ti?

• Obboloota keenya addunyaa mara irra jiranii fi sababii amantii isaaniitiin yeroo ammaatti hidhamanii jiran gargaaruuf maal gochuu dandeenya?

• Bilisummaa yeroo ammaatti qabnu kam iyyuu akkamitti itti fayyadamuu qabna?

• Injifannoo gama murtiitiin arganneef adda durummaadhaan galateeffamuu kan qabu eenyu dha?