Ittiin Lixa
MASARAA EEGUMSAA
Gaaffii: Kitaabni Qulqulluun Waaqayyo biraa dhufe taanaan, yaalii isa balleessuuf godhamu kam irraa iyyuu ooluu waan qabu sitti hin fakkaatuu?
Caqasa: Isa 40:8
Barreeffamicha Kennuuf: Barruun kun seenaa dinqisiisaa Kitaabni Qulqulluun yaalii isa balleessuuf godhame irraa akkamitti akka oole ibsu qabateera.
MASARAA EEGUMSAA (fuula dhumaa)
Gaaffii: Gaaffii kana ilaalchisee yaada akkamii qabda? [Gaaffii jalqabaa fuula 16 irra jiru dubbisi.] Namoonni tokko tokko Waaqayyo maqaa hin qabu jedhu; kaan immoo maqaan isaa Waaqayyo ykn Gooftaa akka taʼe dubbatu; kaanis maqaa hedduu qaba jedhu. Ati hoo maal jetta?
Caqasa: Far 83:18, fuula 387 ilaali.
Barreeffamicha Kennuuf: Barruun kun mata duree kana ilaalchisee wanta Kitaabni Qulqulluun dubbatu ibsa. Yeroo kan biraa dhufee dhimma kana irratti utuu mariʼannee natti tola.
MISIRAACHOO WAAQAYYO BIRAA DHUFE!
Gaaffii: Namoonni hedduun raajii Kitaaba Qulqulluu dubbisuun gaazexaa dubbisuu wajjin tokko dha jedhu. Wanta raajiidhaan dubbatame kana keessaa inni kam yommuu raawwatamu argite ykn dhageesse?
Caqasa: 2Xi 3:1-5
Barreeffamicha Kennuuf: Birooshurri kun haalli kun namoota Waaqayyoon jaallataniif misiraachoo kan taʼe maaliif akka taʼe ibsa. [Barumsa 1, gaaffii 2ffaa ibsi.]
ITTIIN LIXA MATAA KEE QOPHEEFFADHU
Ittiin lixa mataa kee qopheeffachuuf haala fakkeenyonni armaan olii ittiin qophaaʼan hordofi
