Namoota cubbuu dhaalle waan taaneef, fedhii keenya toʼachuuf qabsoo wal irraa hin cinne gochuu qabna. Akkasumaan yoo dhiisne garuu surraa Yihowaa dhabuu dandeenya. Fakkeenyaaf namoonni tokko tokko fedhiin isaan nyaataaf, uffataa fi manaaf qaban jaalala Waaqayyoof qaban akka ukkaamsu heyyamaniiru. Kaan immoo karaa ulaagaa Waaqayyoo faallessuun fedhii saalqunnamtii isaanii guuttatu. (Rom 1:26, 27) Warri kaan immoo fedhii jaallatamuu ykn fudhatama argachuuf qabaniin kakaʼanii dhiibbaa hiriyaatiif harka kennu.—Bau 23:2.

Fedhii keenya toʼachuu kan dandeenyu akkamitti? Wantoota hafuuraa irratti xiyyeeffachuuf waan nuu dandaʼame hunda gochuu qabna. (Mat 4:4) Kana malees, fedhii keenya toʼachuuf akka nu gargaaru Yihowaatti wawwaannaa dhiheessuu qabna. Maaliif? Sababiin isaas inni nuuf wanta hunda irra wayyu ni beeka, akkasumas fedhiiwwan keenya warra sirrii taʼan akkamitti guuttachuu akka dandeenya beeka.—Fr 145:16.

VIIDIYOO TAMBOO XUUXUUDHAAN OF HIN GUBIN JEDHAMU ERGA ILAALTANII BOODA, GAAFFIIWWAN ARMAAN GADII DEEBISUUF YAALAA:

• Namoonni tokko tokko tamboo kan xuuxan maaliifi?

• Tamboo xuuxuun maal si irraan gaʼuu dandaʼa?

• Tamboo xuuxuu fi sijaaraa elektiroonikii fayyadamuun dogoggoraa?—2Qo 7:1

• Tamboo xuuxuu diduu kan dandeessu akkamitti? Araada akkasii qabda yoo taʼe immoo dhaabuu kan dandeessu akkamitti?