32:24-28

Eebba Yihowaa argachuuf, jireenya keenya keessatti dhimmoota hafuuraatiif iddoo isa jalqabaa kennuu qabna. (1Qo 9:26, 27) Yommuu Yihowaa tajaajilutti ilaalcha Yaaqoob maanguddichi yeroo maleekaa tokkoo wajjin walʼaansoo qabetti argisiise qabaachuu qabna. Wantoota armaan gadii gochuudhaan eebba Yihowaa argachuu akka barbaannu argisiisuu dandeenya:

• Walgaʼiiwwan gumiitiif akka gaariitti qophaaʼuudhaan

• Haala dhaabbataa taʼeen tajaajila irratti hirmaachuudhaan

• Warra gumii keessa jiran gargaaruuf wanta dandeenyu hunda gochuudhaan

Haalli keessa jirtan maal iyyuu yoo taʼe, Yihowaan akka isin gargaaru yeroo hunda kadhadhaa; akkasumas humna keessan guutuudhaan isa tajaajiluudhaan eebba isaa argachuuf carraaqaa.

AKKANA JEDHII OF GAAFADHU: ‘Jireenya koo keessatti kallattiiwwan kamiin carraaqqii cimaa gochuudhaan eebba Yihowaa argachuu dandaʼa?’