AKKA KIRISTIYAANA TOKKOOTTI JIRAACHUU
Dandeettii Tajaajila Irratti Qabnu Fooyyeffachuu—Namoonni Fedhii Argisiisan Walgaʼii Irratti Akka Argaman Jajjabeessuu
BARBAACHISAA KAN TAʼE MAALIIFI? Walgaʼiiwwan ‘Waaqayyoon faarfachuu’ fi ‘jajachuuf’ carraa nuu banu. (Far 149:1) Walgaʼiiwwan irratti, fedha Waaqayyoo akka raawwannu ni baranna. (Far 143:10) Yeroo baayʼee namoonni fedhii argisiisanii fi barattoonni Kitaaba Qulqulluu walgaʼii irratti argamuu yeroo jalqaban saffisaan guddina argisiisu.
KANA GOCHUU KAN DANDEENYU AKKAMITTI?
-
Amma dandaʼametti dafaatii walgaʼii irratti akka argaman afeeraa. Amma qoʼannaan Kitaaba Qulqulluu jalqabamutti eeguun isin hin barbaachisu.—Mul 22:17
-
Nama fedhii argisiiseef, walgaʼiin keenya akkamitti akka geggeeffamuu fi barumsi walgaʼii itti aanu irratti dhihaatu maal akka taʼe ibsaafi. Gama kanaan, wantoonni armaan gadii isin gargaaruu dandaʼu: Waraqaa afeerrii walgaʼii gumii, viidiyoo Galma Mootummaa Keenya Keessatti Maaltu Raawwatama? jedhu, akkasumas birooshura Fedha Yihowaa jedhamu barumsa 5 fi 7
-
Akka isa gargaaruu dandeessan itti himaa. Namni fedhii agarsiise sun geejjiba ykn uffannaa seera qabeessa taʼe filachuu wajjin haala qabateen gargaarsi keessan isa barbaachisaa? Walgaʼii irratti isaa wajjin taaʼaa; barreeffama qoʼatamaa jirus isatti argisiisaa. Obbolootaa wajjin wal isa barsiisaa