Yihowaan nu gargaaruuf ‘guutummaa waldaa’ obbolootaa fi obboleettota keenyaa nuuf kenneera. (1Ph 5:9) Isaan rakkina tajaajila keenya irratti nu mudatu akka gaariitti akka moonu nu gargaaru. Fakkeenyaaf, Phaawulos ergamaan gargaarsa Aqiilaa fi Phirisqillaa, Silaas, Ximotewosii fi warri kaan isaaf godhan irraa fayyadameera.—HoE 18:1-5.

Obboloonni tajaajila irratti si gargaaruu kan dandaʼan akkamitti? Mormii akkamitti akka mootu, deddeebii gaaffii akkamitti akka gootu ykn qoʼannaa Kitaaba Qulqulluu akkamitti akka jalqabsiistuu fi geggeessitu irratti yaada gaarii siif kennuu dandaʼu. Gumii keessan keessatti nama gargaarsa akkasii siif kennuu dandaʼu yaadi, achiis gargaarsa isa gaafadhu. Kun lamaan keessaniif iyyuu faayidaa fi gammachuu akka isiniif argamsiisu homaa hin shakkisiisu.—Flp 1:25.

VIIDIYOO GAMMACHUU BARATTOOTA GOCHUUN ARGAMSIISU ARGADHAA—GARGAARSA YIHOWAA FUDHADHAA—OBBOLOOTA KEENYA JEDHAMU ERGA ILAALTANII BOODA, GAAFFIIWWAN ARMAAN GADII DEEBISUUF YAALAA:

• Maartaan, Saaraan gumii irratti akka argamtu kan ishii jajjabeessite akkamitti?

• Babalʼistoonni kan biroon qoʼannaa geggeessinu irratti akka argaman affeeruu kan qabnu maaliifi?

• Saaraa fi Abiigaay fedhii wal fakkaatu akkamii qabu?

• Obboloonni si wajjin tajaajilan dandeettii tajaajilaaf si fayyadu akkamii si barsiisuu dandaʼu?