Phaawulosii fi Siilaas yeroo mana hidhaa turanitti faarfannaadhaan Yihowaa jajachaa turan. (HoE 16:25) Faarfachuun isaanii jabaatanii dhaabachuuf akka isaan gargaare hin shakkisiisu. Waaʼee keenya hoo maal jechuutu dandaʼama? Faarfannaawwan waaqeffannaaf itti fayyadamnuu fi faarfannaawwan kaan nu jajjabeessu; akkasumas yeroo qorumsi nu irra gaʼutti amanamoo taanee akka jiraannu nu gargaaru. Hunda caalaa garuu Yihowaa jajachuuf tajaajilu. (Far 28:7) Yoo xinnaate walaloo faarfannaawwan tokko tokkoo sammuutti akka qabannu jajjabeeffamaa turreerra. Isin hoo kana gochuuf yaaltaniittuu? Waaqeffannaa maatii keenya irratti faarfannaawwan shaakaluu dandeenya; kun immoo walaloo isaanii sammuutti qabachuuf nu gargaara.

VIIDIYOO IJOOLLEEN FAARFANNAADHAAN YIHOWAA JAJATU JEDHAMU ILAALAA; ACHIIS GAAFFIIWWAN KANAA GADII DEEBISUUF YAALAA:

• Faarfannaawwan Mootummichaa faarfachuun dhiibbaa gaarii akkamii nu irratti godha?

• Kutaan Sagalee fi Viidiyoo faarfannaa tokko waraabuuf qophii akkamii godha?

• Ijoollee fi maatiin isaanii faarfannaa waraabamuuf kan qophaaʼan akkamitti?

• Faarfannaawwan ati baayʼee jaallattu kamfaʼi? Maaliif?