BARBAACHISAA KAN TAʼE MAALIIFI? Yesuus jaalalli barattoota isaa adda baasee akka beeksisu barsiisee ture. (Yoh 13:34, 35) Jaalala Kiristoos argisiise argisiisuudhaaf, fedhii warra kaaniitiif xiyyeeffannaa kennuu fi aaruu irraa of qusachuu qabna.—1Qo 13:5.

KANA GOCHUUN KAN DANDAʼAMU AKKAMITTI?

• Namni tokko wanta si miidhu yommuu dubbatu ykn raawwatu takka dhaabadhuutii maaliif wanta sana akka dubbate ykn raawwate yaadi akkasumas rakkina wanti gochuuf yaadde fidu dursiitii irratti xiinxali.—Fak 19:11

• Hundi keenya iyyuu mudaa akka qabnu akkasumas yeroo tokko tokko wanta booda itti gaabbinu akka dubbannu ykn goonu yaadadhu

• Waldhabiinsa uumame yeruma sana hiiki

VIIDIYOO ‘JAALALA WALIIF QABAADHAA’—OFITTUMMAA FI AARUU IRRAA FAGAADHAA JEDHAMU ILAALAA, ACHIIS GAAFFIIWWAN ARMAAN GADIITIIF DEEBII KENNAA:

• Luqaas wanta Guutaan dubbatetti mufachuu isaa kan argisiise akkamitti?

• Guutaan xinnoo dhaabatee yaaduun isaa aaruu irraa akka fagaatu kan isa gargaare akkamitti?

• Deebiin Guutaan gaarummaadhaan kenne haala nama aarsu sana kan tasgabbeesse akkamitti?