Murtoo guddaas taʼe murtoo xinnoo gochuu keenya dura, ‘Yihowaatti maaltu dhagaʼama?’ jennee of gaafannaa? Wanta yaada Yihowaa keessa jiru hunda matumaa beekuu hin dandeenyu; taʼus Yihowaan Dubbii isaa keessatti wanta “hojii gaarii hundumaaf” hidhachuuf nu barbaachisu akka gaariitti nuuf ibseera. (2Xi 3:16, 17; Rom 11:33, 34) Yesuus fedha Yihowaa sirriitti kan hubate siʼa taʼu, jireenya isaa keessattis dursa isaaf kenneera. (Yoh 4:34) Fakkeenya Yesuus hordofuudhaan, nutis murtoo Yihowaa gammachiisu gochuuf wanta nuuf dandaʼame hunda haa goonu.—Yoh 8:28, 29; Efe 5:15-17.

VIIDIYOO FEDHIIN YIHOWAA MAAL AKKA TAʼE HUBACHUU KEESSAN ITTI FUFAA (LEW 19:18) JEDHAMU ILAALAA; ACHIIS GAAFFIIWWAN ARMAAN GADII DEEBISUUF YAALAA:

• Jireenya keenya keessatti qajeelfamawwan Kitaaba Qulqulluu hojii irra oolchuu kan qabu maaliifi?

• Qajeelfamawwan Kitaaba Qulqulluu kamfaatu filannoo muuziqaa keenya irratti dhiibbaa gochuu qaba?

• Qajeelfamawwan Kitaaba Qulqulluu kamfaatu filannoo akkaataa uffannaa keenyaa fi itti of miidhagsinu irratti dhiibbaa gochuu qaba?

• jireenya keenya keessatti hojii irra oolchuu itti dandeenyu kan biroon kamfaʼi?

• Dandeettii fedhii Yihowaa hubachuu irratti qabnu guddifachuu kan dandeenyu akkamitti?