Seenaa Baraa Isa Tokkoffaa 7:1-40
7 Ilmaan Yisaakor arfan, Tolaa, Puwaa, Yaashuubii fi Shimroon+ turan.
2 Ilmaan Tolaa, Uuzii, Refaayaa, Yeriʼel, Yaahmaay, Yibsaamii fi Shemuʼel turan; isaan dura buutota manneen abbootii isaanii turan. Sanyiin Tolaa loltoota jajjaboo turan; bara Daawititti lakkoofsi isaanii 22,600 ture.
3 Sanyiiwwan* Uuzii, Hizraahiyaa fi ilmaan Hizraahiyaa kan taʼan Mikaaʼel, Obaadiyaa, Yooʼelii fi Yishiyaa turan; shanan isaanii iyyuu ajajjoota* turan.
4 Isaan haadhotii manaa fi ilmaan hedduu waan qabaniif, akka sanyiiwwan isaaniitti, manneen abbootii isaanii keessaa raayyaa waraanaa loltoota lolaaf qophaaʼan 36,000 of keessatti qabate qabu turan.
5 Akkasumas, maatii Yisaakor hundumaa keessaa obboloonni isaanii warri akka hidda dhalootaa isaaniitti galmeeffaman loltoota jajjaboo 87,000 turan.+
6 Ilmaan Biiniyaam+ sadan, Beelaa,+ Bekeerii+ fi Yediyaayel+ turan.
7 Ilmaan Beelaa shanan, Ezboon, Uuzii, Uuziʼel, Yerimootii fi Iirii turan; isaan dura buutota manneen abbootii isaanii fi loltoota jajjaboo turan; akka hidda dhalootaa isaaniitti yommuu galmeeffamanis 22,034 turan.+
8 Ilmaan Bekeer, Zemiiraa, Yoʼaas, Eliiʼezar, Eliyoʼenaay, Omrii, Yeremoot, Abiyaa, Anaatotii fi Alameet turan; kanneen kun hundi ilmaan Bekeer turan.
9 Sanyiiwwan isaanii akka hidda dhalootaa isaaniitti yommuu galmeeffaman dura buutonni manneen abbootii isaanii loltoota jajjaboo 20,200 turan.
10 Ilmaan Yediyaayel+ Bilhaanii fi ilmaan Bilhaan kan taʼan, Yeʼuush, Biiniyaam, Eehud, Kenaʼaanaa, Zetaan, Tarshiishii fi Ahishaahaar turan.
11 Kanneen kun hundi ilmaan Yediyaayel turan; isaan dura buutota manneen abbootii isaanii fi loltoota jajjaboo 17,200 warra raayyaa waraanaa wajjin lolaaf qophaaʼan turan.
12 Shufiimoonnii fi Hufiimoonni ilmaan Iir+ turan; Hushiimoonni ilmaan Aheer turan.
13 Ilmaan Niftaalem,+ Yaahziʼel, Guunii, Yezeerii fi Shaalum turan; isaan sanyiiwwan* Biilhaa+ turan.
14 Ilmaan Minaasee+ kanneen kana turan: Asriʼeel isa saajjatoon isaa ishiin nama biyya Sooriyaa taate isaaf deesse. (Ishiin Maakiir+ isa abbaa Giiliyaad taʼe ni deesse.
15 Maakiir, Hufiimii fi Shufiimiin ni fuusise; maqaan obboleettii isaas Maʼaakaa ture.) Maqaan isa lammaffaa Zelofehaad+ ture; taʼus Zelofehaad ijoollee durbaa qofa qaba ture.+
16 Maʼaakaan haati manaa Maakiir, ilma tokko ni deesse; maqaa isaas Peeresh jettee moggaaste; maqaan obboleessa isaa Shereesh ture: ilmaan isaa immoo Ulaamii fi Reeqem turan.
17 Ilmi* Ulaam Beedaan ture. Kanneen kun ilmaan Giiliyaad isa ilma Maakiir, ilma Minaasee taʼe sanaa turan.
18 Obboleettiin isaa Molekeet turte. Ishiin Ishihoodiin, Abiʼezerii fi Maahlaa deesse.
19 Ilmaan Shemidaa, Ahiyaan, Sheekem, Liqihii fi Aniyaam turan.
20 Ilmaan Efreem,+ Shutelaa,+ ilma Shutelaa Beered, ilma Beered Taahaat, ilma Taahaat Elʼaadaa, ilma Elʼaadaa Taahaat,
21 ilma Taahaat Zaabaad, ilma Zaabaad Shutelaa, ilma Shutelaa Ezeer, ilma Ezeer Elʼaad turan. Isaan horii isaanii jalaa fudhachuuf waan gad buʼaniif, namoonni Gaat+ warri biyyattii keessatti dhalatan isaan ni ajjeesan.
22 Abbaan isaanii Efreem guyyoota hedduudhaaf ni gadde; obboloonni isaa isa jajjabeessuuf ni dhufu turan.
23 Boodas inni haadha manaa isaa wajjin saalqunnamtii raawwate; ishiinis ulfooftee ilma deesse. Ishiin yeroo maatii isaa irra rakkinni gaʼetti waan deesseef, maqaa isaa Beriʼaa* jedhee moggaase.
24 Intalli isaa Sheʼeraa turte; ishiin Beet Hooron Ishii Gadii+ fi Ishii Olii,+ akkasumas Uzeen Sheʼeraa ni ijaarte.
25 Refaanii fi Resheef ilmaan isaa turan; ilmi Resheef Teelaa, ilmi Teelaa Taahaan,
26 ilmi Taahaan Laadaan, ilmi Laadaan Amihuud, ilmi Amihuud Elishaamaa,
27 ilmi Elishaamaa Nuun, ilmi Nuun immoo Iyyaasuu*+ ture.
28 Dhaalli isaanii fi gandeen isaanii kanneen kana turan: Beetelii+ fi magaalota ishii jalatti argaman, gara bahaatiin Naʼaaraan, gara dhihaatiin Geezerii fi magaalota ishii jalatti argaman, akkasumas Sheekemii fi magaalota ishii jalatti argaman, hamma Aayaa* fi magaalota ishii jalatti argamanitti;
29 sanyiiwwan Minaaseetti aansee immoo, Beet Shiʼaanii+ fi magaalota ishii jalatti argaman, Taʼaanaakii+ fi magaalota ishii jalatti argaman, Megidoo+ fi magaalota ishii jalatti argaman, akkasumas Doorii+ fi magaalota ishii jalatti argaman. Sanyiin Yoseef ilma Israaʼel iddoowwan kana keessa jiraatu turan.
30 Ilmaan Asheer, Yimnaa, Yishwaa, Yishwii fi Beriʼaa turan;+ obboleettiin isaanii immoo Seeraa turte.+
31 Ilmaan Beriʼaa, Hebeerii fi abbaa Birzaayit kan taʼe Maalkiʼel turan.
32 Hebeer Yaaflet, Shomeer, Hotaamii fi obboleettii isaanii Shuʼaa dhalche.
33 Ilmaan Yaaflet, Paasaak, Bimhaalii fi Ashwaat turan. Kanneen kun ilmaan Yaaflet turan.
34 Ilmaan Sheemer,* Ahii, Rohgaa, Yehubaa fi Aaraam turan.
35 Ilmaan obboleessa isaa Heleem,* Zofaa, Yimnaa, Sheleeshii fi Amaal turan.
36 Ilmaan Zofaa, Suʼaa, Harneefar, Shuʼaal, Beerii, Yimraa,
37 Beezar, Hood, Shaamaa, Shiilshaa, Yitraanii fi Beʼeraa turan.
38 Ilmaan Yeteer, Yofunee, Pispaa fi Aaraa turan.
39 Ilmaan Uulaa, Araa, Haniʼeelii fi Riziyaa turan.
40 Kanneen kun hundi ilmaan Asheer turan; isaan dura buutota manneen abbootii isaanii, warra filatamoo, loltoota jajjaboo fi dura buutota ajajjoota raayyaa waraanaa turan; akka galmee hidda dhalootaa isaaniitti,+ raayyaa waraanaa keessatti namoota lolaaf qophaaʼan 26,000 qabu turan.+
Miiljaleewwan
^ Kal., “mataawwan.”
^ Kal., “Ilmaan.”
^ Kal., “ilmaan.”
^ Kal., “Ilmaan.”
^ “Rakkinaa Wajjin” jechuu dha.
^ Ykn., “Yehoshuwaa,” “Yihowaan Fayyisaa Dha” jechuu dha.
^ Ykn tarii, “Gaazaa,” taʼus Gaazaa ishii Filisxeem keessatti argamtu miti.
^ Lakk. 32 irratti Shomeer jedhameera.
^ Hotaam isa lakk. 32 irratti caqasamee wajjin tokko taʼuu hin oolu.
