Anbaaqom 3:1-19
3 Kadhannaa Anbaaqom raajichi faaruu gaddaatiin dhiheesse:
2 Yaa Yihowaa, ani waaʼee kee oduu dhagaʼeera.
Yaa Yihowaa, ani gocha keetiin kan kaʼe sodaadheera.
Waggoota gidduutti* isa raawwadhu!
Waggoota gidduutti* isa beeksisi!
Yeroo jeequmsaatti gara laafina argisiisuu hin dagatin.+
3 Waaqayyo Temaan irraa,Inni Qulqulluun Gaara Phaaraan irraa dhufeera.+ (Seelaa)*
Ulfinni isaa samiiwwan uwwiseera;+Laftis jajannaa isaatiin guutamteetti.
4 Ifni isaa akkuma ifa aduu ti.+
Harka isaa keessaa,Bakka ciminni isaa dhokatee jiru keessaa carallaan lama ni baʼe.
5 Golfaan isa dura ni baʼe,+Dhagna gubaa cimaanis faana isaa duukaa ni buʼe.
6 Inni dhaabbatee lafa ni sochoose.+
Yeruma tokko ilaaluudhaan saboonni akka utaalan ni godhe.+
Gaaronni bara baraa ni caccaban,Tabbawwan bara duriis ni gombifaman.+
Daandiiwwan bara durii kan isaa ti.
7 Ani dunkaana Kuushaan keessatti rakkina nan arge.
Huccuuwwan dunkaanaa biyya Miidiyaan ni hollatan.+
8 Yaa Yihowaa, aariin kee kan bobaʼe lageen irrattii?
Ati lageenitti aartee?
Moo galaanatti aarte?+
Ati fardeen kee gulufteetta;+Gaariiwwan fardaa kees injifannoo* argataniiru.+
9 Ati iddaa kee baafattee qophoofteetta.
Akka kakaa sanaatti uleewwan* hojii isaaniitiif qophaaʼaniiru. (Seelaa)
Ati lafa lageeniin gargar ni hirta.
10 Gaaronni yommuu si argan dhiphinaan ni raafaman.+
Bokkaa yandoon haree sokke.
Bishaanonni gad fagoon ni huursan.+
Isaan harka isaanii ol ni kaasan.
11 Aduu fi addeessi iddoo jireenyaa isaanii isa ol kaʼaa irra dhaabbataniiru.+
Xiyyawwan kee akkuma ifaatti baʼaniiru.+
Balaqqeessi eeboo keetii ni calaqqise.
12 Ati dheekkamsaan lafa irra ni deemte.
Aariidhaan saboota ni dhidhiitte.*
13 Ati saba kee fayyisuuf jettee, isa dibde sana fayyisuuf jettee ni baate.
Geggeessaa* mana nama hamaa sanaa ni caccabsite.
Manichi buʼuura isaatii jalqabee hamma fiixee* isaatti ni saaxilame. (Seelaa)
14 Yommuu isaan na bittinneessuuf natti yaaʼanitti,Ati mataa loltoota isaa meeshaawwan waraanaa* ofii isaatiin ni waraante.
Isaan isa rakkataa dhoksaatti ajjeesuun baayʼee isaan gammachiise.
15 Ati fardeen keetiin galaanota keessa,Bishaanota gad fagoo keessas ni ejjette.
16 Ani nan dhagaʼe, keessi* koos ni raafame;Sagalichaan kan kaʼe hidhiin koo ni hollate.
Lafeen koo ni bosose;+Miilli koos na jalatti ni hollate.
Ani garuu callisee guyyaa dhiphinaa sana nan eeggadha,+Sababiin isaas, inni namoota warra nu haleelan irratti ni dhufa.
17 Mukti harbuu yoo daraaruu baate,Mukti wayinii yoo firii kennuu dhiise,Mukti ejersaa* yoo firii godhachuu baate,Maasiin* midhaan yoo baasuu dide,Bushaayeen goorannoo keessaa yoo badan,Horiinis dallaa keessa yoo jiraachuu baatan illee,
18 Ani garuu, Yihowaatti nan gammada;Waaqa fayyinaa kootiin kan kaʼes nan ililcha.+
19 Yihowaan Gooftaa Ol Aanaan jabina koo ti;+Inni miila koo akkuma luka gadamsaa ni godha,Iddoowwan ol kaʼoo irra akkan deemus ni godha.+
Miiljaleewwan
^ Ykn tarii, “Bara keenyatti.”
^ Ykn tarii, “Bara keenyatti.”
^ Ibsa Jechootaa ilaali.
^ Ykn., “fayyina.”
^ Ykn tarii, “xiyyawwan.”
^ Kal., “siribsiiste.”
^ Kal., “Mataa.”
^ Kal., “morma.”
^ Kal., “uleewwan.”
^ Kal., “garaan.”
^ Akaakuun muka ejersaa Kitaaba Qulqulluu keessatti ibsame firii ejersaa zayitiin irraa argamu kan godhatu dha.
^ Ykn., “Daagaan.”