Faarfannaa 135:1-21
135 Yaahiin jajadhaa!*
Maqaa Yihowaa jajadhaa;Isin tajaajiltoonni Yihowaa,+
2 Isin warri mana Yihowaa keessa,Mooraawwan mana Waaqa keenyaa keessa dhaabbattan isa jajadhaa.+
3 Yihowaan gaarii waan taʼeef,+ Yaahiin jajadhaa.
Kun kan nama gammachiisu waan taʼeef, maqaa isaatiif faarfannaa galataa faarfadhaa.*
4 Sababiin isaas, Yaah Yaaqoobiin ofii isaatiif,Israaʼeliinis qabeenya addaa* godhatee filateera.+
5 Yihowaan guddaa taʼuu isaa,Gooftaan keenya waaqolii kaan hundumaa caalaa guddaa+ taʼuu isaa akka gaariitti nan beeka.
6 Yihowaan samii fi lafa irratti, galaanotaa fi iddoowwan gad fagoo hundumaa keessattiWanta gochuu barbaade hundumaa ni godha.+
7 Duumessoonni* andaara lafaatii akka ol baʼan ni godha;Bokkaaadhaaf bakakkaa ni qopheessa;*Manneen kuusaa isaa keessaa bubbee ni baasa.+
8 Inni namas taʼe horii,Angafa warra Gibxii rukuteera.+
9 Yaa Gibxii, inni si gidduutti mallattoowwanii fi dinqiiwwanFaraʼoonii fi tajaajiltoota isaa hundumaa irratti ergeera.+
10 Saboota hedduu rukuteera,+Mootota jajjaboos ajjeeseera;+
11 Sihoon mootii Amoorotaa,+Oog mootii Baashaan,+Akkasumas mootummoota Kanaʼaan hundumaa moʼeera.
12 Biyya isaanii dhaala godhee,Israaʼel isa saba isaa taʼeef dhaala godhee kenneera.+
13 Yaa Yihowaa, maqaan kee bara baraaf jabaatee dhaabbata.
Yaa Yihowaa, beekamtiin* kee dhaloota hundumaa gidduutti itti fufa.+
14 Yihowaan saba isaatiif ni falma,+Tajaajiltoota isaatiif garaa ni laafa.*+
15 Waaqolii tolfamoon sabootaa meetii fi warqii,Warra hojii harka namaa taʼani dha.+
16 Afaan qabu, garuu dubbachuu hin dandaʼan;+Ija qabu, garuu arguu hin dandaʼan;
17 Gurra qabu, garuu dhagaʼuu hin dandaʼan.
Afaan isaanii keessa hafuurri hin jiru.+
18 Namoonni isaan tolchan,Warri isaanitti amanaman hundis+ akkuma isaanii ni taʼu.+
19 Yaa mana Israa’el, Yihowaa jajadhaa.
Yaa mana Aaron, Yihowaa jajadhaa.
20 Yaa mana Leewwii, Yihowaa jajadhaa.+
Isin warri Yihowaa sodaattan, Yihowaa jajadhaa.
21 Yihowaan inni Yerusaalem keessa jiraatu,+Xiyoon keessaa haa jajamu.+
Yaahiin jajadhaa!+
Miiljaleewwan
^ Ykn., “Halleeluyaah!” Jechi, “Yaah” jedhu maqaan Yihowaa yommuu gabaabaatti barreeffamu dha.
^ Ykn., “muuziqaa qopheessaa.”
^ Ykn., “gatii guddaa qabu.”
^ Ykn., “Hurkoonni.”
^ Ykn tarii, “Bokkaadhaaf boʼoo ni baasa.”
^ Ykn., “maqaan.” Kal., “yaadannoon.”
^ Ykn., “ni gaabba.”
