Faarfannaa 148:1-14
148 Yaahiin jajadhaa!*
Samiiwwan irraa Yihowaa jajadhaa;+Ol gubbaa keessatti isa jajadhaa.
2 Maleekonni isaa hundi isa jajadhaa.+
Guutummaan raayyaa isaa+ isa jajadhaa.
3 Aduu fi addeessi isa jajadhaa.
Urjiileen ibsitan hundi isa jajadhaa.+
4 Samiiwwan warri hunda irra caalaa ol gubbaa jirtan,*Bishaanonni samiiwwanii olitti argamtanis isa jajadhaa.
5 Inni ajajuu isaatiin waan uumamaniif,+Isaan maqaa Yihowaa haa jajatan.
6 Inni baraa hamma bara baraatti isaan hundeesseera;+Labsii hin darbines baaseera.+
7 Lafa irraa Yihowaa jajadhaa,Isin uumamawwan galaanaa guguddaa taatanii fi bishaanonni gad fagoon hundi,
8 Isin bakakkaan, cabbii guguddaan, cabbiinii fi duumessi cimaan,Ati obomboleettiin inni dubbii isaa raawwattu,+
9 Isin gaaronni, tabbawwan hundis,+Isin mukeetiin firii godhattan, mukeetiin gaattiraa hundis,+
10 Isin bineensonni bosonaa,+ horiiwwan qeʼee hundis,Isin uumamawwan munyuuqxanii fi simbirroonni baallee qabdan,
11 Isin mootonni lafaa, saboonni hundis,Isin bulchitoonni, abbootiin murtii lafaa hundis,+
12 Isin dardarrii fi shamarran,*Maanguddoonnii fi ijoolleen waliin isa jajadhaa.
13 Maqaan isaa qofti matumaa kan bira hin gaʼamne waan taʼeef,Isaan maqaa Yihowaa haa jajatan.+
Ulfinni isaa lafaa fi samiidhaa oli.+
14 Inni warri isaaf amanamoo taʼan hundi akka jajamaniif jedhee,Jabina* saba isaa,Jabina ilmaan Israaʼel warra isatti dhihoo jiranii ol ni kaasa.
Yaahiin jajadhaa!*
Miiljaleewwan
^ Ykn., “Halleeluyaah!” Jechi, “Yaah” jedhu maqaan Yihowaa yommuu gabaabaatti barreeffamu dha.
^ Kal., “Samiiwwan samiiwwanii.”
^ Kal., “durboonni.”
^ Kal., “Gaanfa.”
^ Ykn., “Halleeluyaah!” Jechi, “Yaah” jedhu maqaan Yihowaa yommuu gabaabaatti barreeffamu dha.
