Faarfannaa 30:1-12
-
Gaddi gara gammachuutti jijjiirame
-
Gaarummaan Waaqaa umurii guutuu tura (5)
-
Faarfannaa. Faarfannaa eebba manichaa. Faarfannaa Daawit.
30 Yaa Yihowaa, waan ol na qabdeef* ani sin jajadha;Ati diinonni koo kufaatii kootti akka gammadan hin goone.+
2 Yaa Waaqa koo Yihowaa, ani gargaarsa argachuuf gara keetti nan iyyadhe, atis na fayyiste.+
3 Yaa Yihowaa, ati Awwaala* keessaa na* baasteetta.+
Lubbuudhaan na jiraachisteetta; boollatti* lixuu irraas na oolchiteetta.+
4 Isin warri isaaf amanamoo taatan, Yihowaadhaaf faarfannaa galataa faarfadhaa,*+Maqaa* isaa isa qulqulluudhaaf galata galchaa;+
5 Sababiin isaas, dheekkamsi isaa yeroo muraasaaf qofa tura,+Gaarummaan* isaa garuu bara baraaf tura.+
Galgala booʼichi dhufuu dandaʼa, ganama garuu ililchatu jira.+
6 Yommuun hin rakkannetti,“Ani matumaa hin raafamu”* nan jedhe.
7 Yaa Yihowaa, yommuun gaarummaa* kee argadhee jirutti, ati akkuma gaaraatti cimaa na goote.+
Yeroo fuula kee dhoksitu garuu, ani nan jeeqame.+
8 Yaa Yihowaa, ani yeroo hunda sin waammadha;+Gaarummaa isaa argachuuf yeroo hunda Yihowaa nan kadhadha.
9 Duʼuun* koo, gara boollaatti* lixuun koos buʼaa maalii qaba?+
Biyyoon si jajataa?+ Amanamummaa kee hoo ni dubbataa?+
10 Yaa Yihowaa, na dhagaʼi, gaarummaas natti argisiisi.+
Yaa Yihowaa, ati gargaaraa koo taʼi.+
11 Gadda koo gara shubbisaatti jijjiirteetta;Uffata gaddaa koo na irraa baastee gammachuu natti uwwisteetta.
12 Kanaan kan kaʼes, ani faarfannaa galataa siif nan faarfadha,* callumas hin jedhu.
Yaa Waaqa koo Yihowaa, bara baraaf sin jajadha.
Miiljaleewwan
^ Ykn., “na harkisteef.”
^ Ykn., “Siʼool,” jechuunis, bakka ilmaan namootaa hundi itti awwaalaman. Ibsa Jechootaa ilaali.
^ Ykn., “lubbuu koo.”
^ Ykn., “awwaalatti.”
^ Ykn., “muuziqaa qopheessaa.”
^ Kal., “Yaadannoo.”
^ Ykn., “Milkiin.”
^ Ykn., “hin gatantaru.”
^ Ykn., “milkii.”
^ Kal., “Dhiigni.”
^ Ykn., “awwaalatti.”
^ Ykn., “ulfinni koo faarfannaa galataa siif ni faarfata.”
