Faarfannaa 33:1-22
33 Isin qajeelonni wantoota Yihowaan raawwateen kan kaʼe ililchaa.+
Qajeelonni isa jajachuun isaanii sirrii dha.
2 Baganaadhaan Yihowaadhaaf galata galchaa;Meeshaa muuziqaa ribuu kudhan qabuun faarfannaa galataa isaaf faarfadhaa.*
3 Faarfannaa haaraa isaaf faarfadhaa;+Meeshaa muuziqaa ribuu qabuun akka gaariitti taphadhaa, ililchaas.
4 Sababiin isaas, dubbiin Yihowaa qajeelaa dha,+Wanti Waaqayyo godhu hundis kan amanamu dha.
5 Inni qajeelummaa fi haqa ni jaallata.+
Lafti jaalala Yihowaa isa amanamaadhaan guutamteetti.+
6 Dubbii Yihowaatiin samiiwwan,Hafuura afaan isaatiinis wantoonni isaan keessa jiran* hundi tolfamaniiru.+
7 Inni akkuma hidhaatti bishaanota walitti ni qaba;+Dambaliiwwan bishaaniis manneen kuusaa keessa ni kaaʼa.
8 Guutummaan lafaa Yihowaa haa sodaattu.+
Jiraattonni lafa oomisha kennituus kabaja guddaa isaaf haa qabaatan.
9 Inni ni dubbate, wanti inni dubbates ni raawwatame;+Inni ni ajaje, wanti inni ajajes jabaatee dhaabbate.+
10 Yihowaan mala haxxummaa* saboonni qopheessan ni fashaleesse;+Karoora* sabootaas ni gufachiise.+
11 Murtoon* Yihowaa garuu bara baraaf jabaatee dhaabbata;+Wanti inni garaa isaatti yaade dhalootaa hamma dhalootaatti jiraata.
12 Sabni Waaqni isaa Yihowaa taʼe,Sabni inni qabeenya dhuunfaa isaa godhee filates gammadaa dha.+
13 Yihowaan samii irraa gad ni ilaala;Ilmaan namootaa hundumaas ni arga.+
14 Bakka jireenyaa isaatiiJiraattota lafa irraa ni arga.
15 Garaa namoota hundumaa kan tolchu isa dha;Inni hojiiwwan isaanii hundumaa ni qora.+
16 Mootiin raayyaa waraanaa hedduu qabaachuudhaan oolu hin jiru;+Namni jabaanis humna isaa isa guddaadhaan hin oolu.+
17 Fardi fayyina* argamsiisa jedhanii amanamuun abdii gatii hin qabne dha;+Jabinni isaa inni cimaanis miliquuf wabii hin taʼu.
18 Kunoo, ijji Yihowaa warra isa sodaatan,Warra jaalala isaa isa amanamaa eeggatan ni ilaala;+
19 Kanas kan godhu, duʼa irraa isaan* oolchuuf,Yeroo beelaattis lubbuudhaan isaan tursuufi.+
20 Nuti* abdiidhaan Yihowaa eegganna.
Inni gargaaraa keenyaa fi gaachana keenya.+
21 Maqaa isaa isa qulqulluutti waan amanamnuuf,Garaan keenya isatti ni gammada.+
22 Yaa Yihowaa, yommuu si eeggannutti,+Jaalalli kee inni amanamaan nu irra haa buufatu.+
Miiljaleewwan
^ Ykn., “muuziqaa qopheessaa.”
^ Kal., “raayyaan waraanaa isaanii.”
^ Ykn., “gorsa.”
^ Ykn., “Yaada.”
^ Ykn., “Gorsi.”
^ Ykn., “injifannoo.”
^ Ykn., “lubbuu isaanii.”
^ Ykn., “Lubbuun keenya.”
