Faarfannaa 50:1-23
Faarfannaa Asaaf.+
50 Waaqa waaqolii kan taʼe Yihowaan+ dubbateera;Inni baha biiftuu irraa jalqabee hamma lixa biiftuutti,*Lafa ni waama.
2 Waaqayyo Xiyoon ishii miidhagina ishiitiin mudaa hin qabne+ keessaa ifa isaa ibsa.
3 Waaqni keenya ni dhufa, calluma jechuus hin dandaʼu.+
Fuuldura isaa ibidda nyaatutu jira,+Obomboleettii guddaanis naannoo isaatii ni huursa.+
4 Inni saba isaatiif murtii kennuuf,+Samiiwwan ol gubbaa jiranii fi lafa akkana jedhee waama:+
5 “Isin warri anaaf amanamoo taatan,Warri aarsaadhaan anaa wajjin kakuu galtan+ gara kootti walitti qabamaa.”
6 Waaqayyo Abbaa Murtii waan taʼeef,+Samiiwwan qajeelummaa isaa ni labsu. (Seelaa)
7 “Yaa saba koo, na dhagaʼi, anis nan dubbadha;Yaa Israaʼel, ani si irratti ragaa nan baʼa.+
Ani Waaqayyo dha, Waaqa kee ti.+
8 Ani sababii aarsaawwan keetiitiinis taʼe,Sababii aarsaawwan kee warra guutummaatti gubamanii fi yeroo hundumaa fuula koo dura jiraniin si hin ifadhu.+
9 Qotiyyoo kee mana kee keessaa,Reʼoota* kees goorannoo kee keessaa hin fudhadhu.+
10 Bineensonni bosonaa hundi,Bineensonni gaarota kuma irra jiran illee kan koo ti.+
11 Simbirroota gaarotaa hundumaa nan beeka;+Horiiwwan alaa hammana hin jedhamnes kan koo ti.
12 Lafti oomisha kennituu fi wanti ishii keessa jiru hundi kan koo waan taʼeef,+Utuman beelaʼee illee sitti hin himu.
13 Ani foon qotiyyoo nan nyaadhaa?
Dhiiga reʼee hoo nan dhugaa?+
14 Waaqayyoof galata akka aarsaatti dhiheessi,+Wareega Isa Hundaa Oliitiif wareegdes raawwadhu;+
15 Yeroo dhiphinaatti na waammadhu.+
Ani sin oolcha, atis ulfina naaf kennita.”+
16 Waaqayyo garuu isa hamaadhaan akkana jedha:
“Dambiiwwan koo dubbachuuf,Waaʼee kakuuwwan kootiis odeessuuf mirga maalii qabda?+
17 Sababiin isaas, ati adaba* ni jibbita,Dubbiiwwan koo irraas ni garagalta.*+
18 Hattuu yommuu argitu, isa ni deggerta,*+Ejjitootaa wajjinis michuu taateetta.
19 Wanta hamaa babalʼisuuf afaan keetti fayyadamta,Gowwoomsaanis arraba keetti maxxaneera.+
20 Ati teessee obboleessa kee mormitee dubbatta;+Dogoggora ilma haadha keetiis ni saaxilta.*
21 Wantoota kana yommuu raawwattetti waanan calliseef,Akkuma kee akkan taʼe gootee yaadde.
Amma garuu sin sirreessa,Wantan ittiin si himadhus nan dubbadha.+
22 Isin warri Waaqayyoon irraanfattan,+ maaloo wanta kana qalbeeffadhaa;Taʼuu baannaan, namni isin oolchu tokko illee utuu hin jiraatin isinan ciccira.
23 Namni galata akka aarsaatti naaf dhiheessu ulfina naaf kenna;+Isa daandii sirrii cimsee hordofusFayyisuu Waaqayyoo akka argu nan godha.”+
Miiljaleewwan
^ Ykn., “bahaa hamma dhihaatti.”
^ Kal., “Korbeeyyii reʼee.”
^ Kal., “of duubatti darbatta.”
^ Ykn., “qajeelfama.”
^ Ykn., “isaa wajjin taata.”
^ Ykn., “Ilma haadha keetii maqaa balleessita.”
