Fakkeenya 31:1-31
31 Dubbii Lemuʼel Mootichaa, ergaa cimaa haati isaa isa barsiisuuf isaaf dabarsite:+
2 Yaa ilma koo,Yaa ilma gadameessa koo,Yaa ilma wareegaa koo,+ maal sitti himu?
3 Humna kee dubartootaaf hin kennin,+Daandii mootota balleessus hin hordofin.+
4 Yaa Lemuʼel, mootonni,Eeyyee, mootonni daadhii wayinii dhuguun isaanii,Bulchitoonnis, “Dhugaatiin koo eessa jira?” jechuun isaanii sirrii miti.+
5 Kunis, dhuganii wanta labsame akka hin irraanfanneef,Mirga warra rakkatoo taʼaniis akka hin jalʼisneefi.
6 Dhugaatii alkoolii warra baduuf jedhaniif,+Daadhii wayiniis warra dhiphina guddaa keessa jiraniif* kennaa.+
7 Dhuganii hiyyummaa isaanii haa irraanfatan;Sana booda isaan rakkina isaanii hin yaadatin.
8 Nama dubbachuu hin dandeenyeef dubbadhu;Mirga warra baduuf jedhan hundumaatiif falmi.+
9 Dubbadhu, qajeelummaadhaanis murtii kenni;Mirga nama rakkataa fi hiyyeessa taʼeef falmi.+
א [Aleef]
10 Haadha manaa kaamettii* eenyutu argachuu dandaʼa?+
Gatiin ishii gatii elellaa* irra baayʼee caala.
ב [Beet]
11 Abbaan manaa ishii garaadhaa ishiitti amanama,Wanti gaarii taʼe akkamii iyyuus isatti hin hirʼatu.
ג [Giimel]
12 Umurii ishii guutuu,Wanta gaarii isaaf gooti malee, wanta hamaa isa irratti hin raawwattu.
ד [Daalet]
13 Rifeensa hoolaa fi quncee talbaa walitti qabatti;Harka ishiitiin hojjechuun ishii gammachiisa.+
ה [Hii]
14 Ishiin akkuma doonii daldaltuu ti,+Nyaata ishii biyya fagoodhaa fidatti.
ו [Waaw]
15 Kana malees, halkaniin ni kaati,Maatii ishiitiif nyaata isaanii,Tajaajiltoota ishii warra durbaatiifis gaʼee isaanii ni kenniti.+
ז [Zaayin]
16 Maasii tokko ni ilaalti, achiis ni bitti;Carraaqqii ishiitiinis* muka wayinii ni dhaabdi.
ח [Heet]
17 Hojii humnaatiif of qopheessiti,*+Irree ishiis ni jabeeffatti.
ט [Teet]
18 Daldalli ishii buʼa qabeessa akka taʼe ni hubatti;Halkan ibsaan ishii hin dhaamu.
י [Yood]
19 Harki ishii muka jirbii itti maran qabata,Qubni ishiis cimsee calii qabata.+
כ [Kaaf]
20 Isa rakkateef harka ishii diriirsiti,Isa hiyyeessa taʼeefis harka ishii banti.+
ל [Laamed]
21 Guutummaan maatii ishii uffata hoʼu* waan uffataniif,Cabbii irraa kan kaʼe waaʼee maatii ishii hin yaaddoftu.
מ [Meem]
22 Uffata siree ni tolfatti.
Uffanni ishii quncee talbaa fi suufii bifa dhiilgee irraa kan tolfame dha.
נ [Nuun]
23 Abbaan manaa ishii karrawwan magaalattii keessatti,+Bakka jaarsolii biyyattii gidduu taaʼutti akka gaariitti kan beekame dha.
ס [Saamek]
24 Uffata quncee talbaa* tolchitee gurgurti,Daldaltootaafis qabattoo dhiheessiti.
ע [Ayiin]
25 Jabinaa fi miidhagina gonfatteetti,Yeroo gara fuulduraas amanannaadhaan eeggatti.*
פ [Pee]
26 Afaan ishii ogummaadhaan banatti;+Seerri gaarummaa* arraba ishii irra jira.
צ [Tsadee]
27 Sochii maatii ishii ni toʼatti,Nyaata dhibaaʼummaas hin nyaattu.+
ק [Qoof]
28 Ijoolleen ishii kaʼanii gammadduu akka taate dubbatu;Abbaan manaa ishiis kaʼee ishii jajata.
ר [Reesh]
29 Dubartoonni kaamettii taʼan hedduun jiru,Ati garuu hunda isaanii irra iyyuu ni caalta.
ש [Shiin]
30 Simboon soba dha, miidhaginnis wanta badu* dha,+Dubartiin Yihowaa sodaattu garuu ni jajamti.+
ת [Taaw]
31 Wanta ishiin gooteef ishii badhaasaa,*+Hojiiwwan ishiis karrawwan magaalattii irratti ishii haa jajatan.+
Miiljaleewwan
^ Ykn., “warra jireenyi itti hadhaaʼeef.”
^ Ykn., “gaarii.”
^ Ibsa Jechootaa ilaali.
^ Ykn., “Galii argattuunis.” Kal., “Firii harka ishii irraa argattuun.”
^ Kal., “jabinaan mudhii ishii hidhatti.”
^ Kal., “dachaa.”
^ Ykn., “Uffata quncee talbaa jalatti uffatamu.”
^ Ykn., “Guyyaa gara fuulduraatti ni kolfiti.”
^ Ykn., “Qajeelfamni jaalalaa; Seerri jaalala amanamaa.”
^ Ykn., “duwwaa taʼe.”
^ Kal., “Firii harka ishii irraa ishiidhaaf kennaa.”
