Isaayyaas 11:1-16
11 Latiin+ gufuu Issey+ keessaa ni baʼa,Wanti hidda+ isaa irraa biqilus firii ni godhata.
2 Hafuurri Yihowaa isa irra ni buufata,+Hafuurri ogummaa+ fi hafuurri hubannaa,Hafuurri gorsaa fi hafuurri jabinaa,+Hafuurri beekumsaa fi hafuurri Yihowaa sodaachuu isa irra ni buufata.
3 Yihowaa sodaachuuttis ni gammada.+
Wantuma ija isaatiin argu irratti hundaaʼee murtii hin kennu,Wantuma gurra isaatiin dhagaʼu irratti hundaaʼees hin ifatu.+
4 Warra rakkataniif haqaan* murtii ni kenna,Garraamota lafa irra jiraniif jedhees qajeelummaadhaan ni ifata.
Ulee afaan isaa keessaa baʼuun lafa ni rukuta,+Hafuura afaan isaa keessaa baʼuunis isa hamaa ni ajjeesa.+
5 Qajeelummaan qabattoo dugda isaa,Amanamummaanis qabattoo mudhii isaa ni taʼa.+
6 Yeeyyiin xobbaallaa hoolaa wajjin ni jiraata,+Qeerransis ilmoo reʼee wajjin ni ciisa,Jabbiin, leencii* fi horiin gabbataan waliin ni jiraatu;*+Mucaan xinnoonis isaan ni tiksa.
7 Saanii fi amaakenni waliin ni dheedu,Ilmooleen isaaniis waliin ni ciciisu.
Leencis akkuma qotiyyoo galabaa ni nyaata.+
8 Daaʼimni harma hodhu manʼee marʼataa irra ni taphata,Daaʼimni harma guʼes harka isaa boolla bofa summii qabuu keessa ni kaaʼa.
9 Isaan guutummaa gaara koo isa qulqulluu irratti+ miidhaaYookiin badiisa akkamii iyyuu hin geessisan,+Sababiin isaas, akkuma bishaan galaana uwwisu,Laftis dhugumaan beekumsa Yihowaatiin ni guutamti.+
10 Guyyaa sanatti hiddi Issey+ sabootaaf mallattoo*+ taʼee dhaabbata.
Saboonnis qajeelfama argachuuf gara isaatti garagalu,*+Bakki boqonnaa isaas ulfina qabeessa ni taʼa.
11 Guyyaa sanatti Yihowaan, yeroo lammaffaadhaaf saba isaa warra hafan kanneen Asoor,+ Gibxii,+ Phaatros,+ Kuush,+ Eelaam,+ Shinaar,* Hamaatii fi odolawwan galaanaa irraa oolan deebifachuuf ammas harka isaa ni diriirsa.+
12 Inni sabootaaf mallattoo* ni dhaaba; Israaʼel keessaa warra bittinnaaʼan walitti ni qaba;+ Yihudaa keessaa warra faffacaʼanis golee lafaa arfan irraa walitti ni qaba.+
13 Hinaaffaan Efreem ni bada,+Warri diina Yihudaa taʼanis ni balleeffamu.
Efreem Yihudaatti hin hinaafu,Yihudaanis Efreemitti diina hin taʼu.+
14 Isaan karaa dhihaatiin irraan gadeewwan* Filisxeemotaa irratti saffisaan gad ni buʼu;Waliin taʼaniis saba gara Bahaa ni saamu.
Isaan Edoomii+ fi Moʼaab+ irratti harka* isaanii ni kaasu,Amoononnis isaaniif ni bitamu.+
15 Yihowaan galoo* galaana warra Gibxii ni hira,*+Harka isaas Lagicha* irratti ni raasa.+
Hafuura isaa isa waxaluun lageen isaa torba ni rukuta,*Namoonnis kophee isaaniitiin akka ceʼan godha.
16 Akkuma guyyaa Israaʼel biyya Gibxii keessaa baʼetti taʼe,Saba isaa warra hafanii fi achii baʼaniifis+ daandii guddaan+ Asoor keessaa baʼu tokko ni jiraata.
Miiljaleewwan
^ Ykn., “qajeelummaadhaan.”
^ Ykn., “leenci saafellii.”
^ Ykn tarii, “Jabbii fi leenci waliin ni dheedu.”
^ Ykn., “Saboonni isa ni barbaaddatu.”
^ Ykn., “jirma mallattoo.”
^ Jechuunis, Baabiloniyaa.
^ Ykn., “jirma mallattoo.”
^ Kal., “gateettii.”
^ Ykn., “humna.”
^ Kal., “arraba.”
^ Ykn tarii, “ni gogsa.”
^ Jechuunis, Efraaxis.
^ Ykn tarii, “rukutee lageen torbatti isa hihira.”
